फलटण. : फलटण तालुक्यातील वाठार निंबाळकर या गावातील शेतकरी प्रलंबित रस्त्याच्या कामामुळे जिल्हा परिषदेच्या निवडणुकीत मतदानावर बहिष्कार टाकणार आहेत असे निवेदन त्यांनी आज फलटणचे उपविभागीय प्रांताधिकारी आणि तहसीलदार यांना दिले आहे. 

वाठार निंबाळकर गावातील कुदळे वस्ती नावाच्या शिवारात शेतकऱ्यांची बहुसंख्य मोठ्या घरांची वस्ती असून मागील काही वर्षापासून या रस्त्याबाबत तहसीलदारांनी दिनांक पाच मार्च 2013 रोजी मौजे वाठार निंबाळकर तालुका फलटण येथील अर्जदारांचे क्षेत्र जमीन गट नंबर 236 मध्ये जाणे येण्यासाठी जमीन गट नंबर 217 218 237 ते 259 च्या सर बांधने दहा फूट रुंदीचा रस्ता देण्यात येत आहे. असा आदेश देऊन सुद्धा त्याची अंमलबजावणी होत असल्यामुळे या वस्तीवरील नागरिकांच्या होणाऱ्या गैरसोई मुळे त्यांनी या निवडणुकीत मतदानावर बहिष्कार टाकण्याचा निर्णय घेतला आहे. प्रसार माध्यमांशी बोलताना या शेतकऱ्यांनी सांगितले की आमच्या कुदळे वस्ती कडे येण्या जाण्यासाठी फलटण पुसेगाव रस्ता ते कुदळे वस्ती असा रस्ता आहे सदर रस्ता हा गेली वीस वर्षापासून वहिवाटीत आहे परंतु हा कच्चा रस्ता असल्यामुळे पावसाळ्यात वयोवृद्ध महिला गर्भवती महिला तसेच शाळेत जात असणाऱ्या विद्यार्थ्यांना या रस्त्याने जाता येत नाही यामुळे त्यांची गैरसोय होत असून फक्त दहा फुटाचा रस्ता ची मागणी केल्यावर तहसीलदार यांनी आदेश देऊन सुद्धा गावात बाहेरून येऊन शेती खरेदी केलेले श्री नानासो बापूराव सरक हे दादागिरी करून या रस्त्याची दुरुस्ती व डागडुजी करून न देता नागरिकांना नाहक त्रास देत आहेत. यामुळे रस्त्याची दुरावस्था झाली असून मोठमोठे खाचखळगे रस्त्यात असल्याने कोणतेही वाहन येऊ शकत नाही तसेच पावसाळ्यात या रस्त्याची दुरावस्था असल्याने शेतकऱ्यांना मोठ्या प्रमाणात त्रास सहन करावा लागत आहे. याबाबत हा रस्ता करण्यासाठी तहसीलदार यांनी आदेश पण दिलेला असताना सुद्धा सरक यांच्या कृतीमुळे रस्ता होत नसल्याने आमचा रस्ता न झाल्यास आम्ही येत्या निवडणुकीत मतदानावर बहिष्कार टाकणार आहोत असे निवेदन त्यांनी आज प्रांत अधिकारी यांच्याकडे दिले. 

याबाबत येथील शेतकरी श्री सचिन कुदळे खोपडे तसेच इतर शेतकरी  यांनी आम्हास न्याय मिळावा अन्यथा शासन दरबारी आम्हाला तीव्र आंदोलन करावे लागेल. असा इशारा दिला आहे.