सातारा: नागपूर येथे झालेल्या साहित्यगुरू अण्णा भाऊ साठे राज्यस्तरीय एकांकिका स्पर्धेत सातारच्या लेक लाडकी अभियानने सादर केलेल्या "साठी" या एकांकिकेने दोन पारितोषिके पटकावली.

लोकशाहीर अण्णा भाऊ साठे यांच्या साहित्यकृतींवर आधारित एकांकिका या स्पर्धेत सादर करावयाच्या होत्या. "साठी" एकांकिकेसाठी राजीव मुळ्ये यांना लेखनाचे द्वितीय, तर कैलास जाधव यांना पार्श्वसंगीताचे द्वितीय पारितोषिक  मिळाले.एकांकिकेचे दिग्दर्शन कैलास जाधव यांनी केले होते. प्रकाशयोजना कुमार मोने यांनी तर नेपथ्य शैलजा जाधव यांनी केले होते. रंगभूषा आणि वेशभूषा स्वाती बल्लाळ यांची होती. एकांकिकेत ऍड. वर्षा देशपांडे आणि राजीव मुळ्ये यांनी भूमिका केल्या. 

या यशाबद्दल विविध क्षेत्रांतील मान्यवरांनी कलावंतांचे अभिनंदन केले.