वडूज,/ यशवंत हो…जयवंत हो..  गुणवंत हो,,चा जयघोष करीत आश्रम ते सिद्धेश्वर कुरोली गावातून हजारो भाविकांच्या उपस्थितीत आज बुधवारी सकाळी रथ उत्सव सोहळा मंगलमय वातावरणात साजरा करण्यात आला. श्री यशवंतबाबा महाराजांच्या अठराव्या पुण्यस्मरणानिमित्त या सोहळ्याचे आयोजन करण्यात आले होते. प्रारंभी श्रींची पालखीतून मिरवणूक काढण्यात आली. बांधकामाचे कार्यकारी उप अभियंता खलिफे, शाखा अभियंता दादासाहेब खाडे, कृषी अधिकारी श्रीकांत गोसावी,  यावेळी सरपंच सौ शीतल देशमुख, यशवंतबाबा आश्रम ट्रस्टचे अध्यक्ष नंदकुमार गोडसे,यशवंतबाबा देवस्थानचे अध्यक्ष हणमंतराव देशमुख,पत्रकार धनंजय क्षिरसागर, विश्वस्त कुमार शेटे,सॊमनाथ साठे, बाबूराव माने,  विजयकुमार शेटे,गजानन कुंभार, सुधीर देशमुख संतोष राऊत, दीपचंद भोसलेआदींची प्रमुख उपस्थिती होती.काल ह भ प विजय महाराज शिंदे (लोणीकर) यांच्या मार्गदर्शनाखाली काल भर पावसात महारिंगण सोहळा झाला होता. भाविकांनी यशवंत हो… जयवंत हो..चा जयघोष.. टाळ मृदंगाचा गजर करण्यात आला. गावात घरासमोर माता-भगिनींनी रांगोळी काढून भाविकांचे स्वागत केले.सकाळी साडे दहा वाजता रथ उत्सवाला सुरुवात झाली.देणगीदार व विश्वस्त यांच्या मार्गदर्शनाखाली परमपूज्य योगी  यशवंतबाबा मंदिराचे बांधकाम युद्धपातळीवर सुरू आहे.

 रथाचे दर्शन घेण्यासाठी आलेल्या भाविकांचे श्रीफळ व खडी साखर तसेच चहाचा प्रसाद देण्यात आला. तसेच पत्रकार आयाज मुल्ला, मुन्ना मुल्ला, नितीन राऊत, अजित जगताप, राजू फडतरे,दत्ता इनामदार यांचा विश्वस्त मंडळाच्या वतीने नंदकुमार गोडसे, हणमंतराव देशमुख यांचा सत्कार करण्यात आला.गेली दोन दिवस आध्यात्मिक कार्यक्रमाने सिद्धेश्वर कुरोली परिसरात चैतन्याचे वातावरण पसरले होते. परमपूज्य योगी यशवंत बाबा यांच्या आठवणींना उजाळा मिळाला.