सातारा : पोलिसांनी साताऱ्यात दोन ठिकाणी गांजा व ड्रग्ज अड्डयावर छापे टाकून दोघांना अटक केली. संशयितांकडून तब्बल अडीच लाखांचा मुद्देमाल व इतर साहित्य जप्त करण्यात आले आहे. गणेशोत्सव आगमनाच्या पार्श्वभूमीवर पोलिसांनी सर्च ऑपरेशन राबवून अंमली पदार्थाचा साठा जप्त केला.
याबाबत पोलिसांनी दिलेली माहिती अशी, साताऱ्यातील गुरुवार पेठेत एका ठिकाणी गांजाचा साठा असल्याची माहिती सातारा शहर पोलिसांना मिळाली. त्यानुसार पोलिसांनी दि. ३० रोजी दुपारी साडेबारा वाजता छापा टाकला. यावेळी पोलिसांना
गांजा आढळून आला. या गांज्याची किंमत २ लाख ३३ हजार १८० रुपयांची आहे. याप्रकरणी पोलिसांनी वैभव रघुनाथ फडतरे. (वय ३२, रा. नागाचे कुमठे, औंध, ता, खटाव, जि. सातारा) याला ताब्यात घेतलें. त्याच्यावरही पोलिसांनी अंमली पदार्थ अवैधसाठाप्रकरणी गुन्हा दाखल केला.
घटनास्थळी प्लास्टिकच्या पिशव्यांमध्ये गांजाच्या पुड्या सापडल्या. याची किंमत सुमारे १४ हजार ३३० रुपये आहे. हा गांजा विक्रीप्रकरणी पोलिसांनी अतुल संथनाथ कबाडे (वय ३५, रा. गुरुवार पेठ, सातारा) याला ताब्यात घेऊन त्याच्यावर अंमली पदार्थ अवैध साठा प्रकरणी गुन्हा दाखल केला.
पोलिसांनी दुसरी कारवाई औद्योगिक वसाहतीमध्ये केली. लेथ मशीन वर्कशॉपमध्ये अंमली पदार्थाचा साठा असल्याची माहिती शहर पोलिसांना मिळाल्यानंतर पोलिसांनी दि. २९ रोजी रात्री साडेदहाच्या सुमारास तेथे छापा टाकला. यावेळी पोलिसांना वेगवेगळ्या प्रकारचा
गांजा आढळून आला. या गांज्याची किंमत २ लाख ३३ हजार १८० रुपयांची आहे. याप्रकरणी पोलिसांनी वैभव रघुनाथ फडतरे. (वय ३२, रा. नागाचे कुमठे, औंध, ता, खटाव, जि. सातारा) याला ताब्यात घेतलें. त्याच्यावरही पोलिसांनी अंमली पदार्थ अवैधसाठाप्रकरणी गुन्हा दाखल केला.
दरम्यान, साताऱ्यात मोठ्या प्रमाणात 5 गांजा व ड्रग्ज सापडल्याने खळबळ उडाली. संशयितांनी हे कुठून आणले? किती रुपयांना विकत घेतले व किती रुपयांना विक्री होत आहे? या पाठीमागे टोळी आहे का? कोणकोणाचा सहभाग यात आहे? पोलिस याच्या मुळाशी जणार का? याकडे लक्ष लागले आहे.
ओमकार सोनावणे 
