पुसेगाव :  निढळ ता खटाव येथील वरिष्ठ माजी सनदी अधिकार चंद्रकांत दळवी यांची आशिया खंडातील सर्वात मोठ्या  रयत शिक्षण संस्थेच्या चेअरमन पदी निवड करण्यात आली आहे.आज  रयत शिक्षण संस्थेचे अध्यक्ष  शरदचंद्र पवार साहेब यांच्या अध्यक्षतेखाली झालेल्या मॅनेजिंग कौन्सिलच्या बैठकीत यावर  शिक्कामोर्तब करण्यात आले. संस्थेच्या वाटचालीसाठी सुद्धा हा निर्णय अत्यंत महत्त्वपूर्ण आहे.  चंद्रकांत दळवी यांच्या सारखा एक कुशल प्रशासक संस्थेच्या कुलाधिकारी पदी आणि आता चेअरमन पदी विराजमान झाल्या मुळे निढळ व निढळ परिसरात आनंद निर्माण झाला आहे. चंद्रकांत दळवी यांची आजवरची कारकीर्द अत्यंत पारदर्शक राहीली असुन सामान्य नागरिकांच्या हिताची तसेच त्या पदाला न्याय मिळवून देणारी ठरली आहे. रयत शिक्षण संस्थेची धुरा आता  दळवी यांच्या हाती देण्यात आली आहे ही आनंददायीच बाब आहे.रयत शिक्षण संस्थेच्या हायस्कुल मध्ये शिकलेला मुलगा आज त्याच संस्थेचा चेअरमन झाला आहे. आजवरचा दळवी यांचा प्रवास हा प्रेरणादायीच राहीला आहे.