सातारा- सांगली येथे झालेल्या कोल्हापूर विभागीय बॉक्सिंग स्पर्धेत शेंद्रे ता. सातारा येथील छ. शाहू सायन्स, कॉमर्स जुनियर कॉलेजचा विध्यार्थी साईराज बापूसाहेब पोतेकर याने सुवर्ण पदक पटकावले. त्याची पालघर येथे होणाऱ्या राज्यस्तरीय शालेय बॉक्सिंग स्पर्धेसाठी निवड झाली आहे.

इ. ११ वीचा विध्यार्थी साईराज पोतेकर याने १९ वर्षाखालील मुलांमध्ये ८५ ते ९१ किलो वजनगटात प्रथम क्रमांक मिळवला. या यशाबद्दल त्याचे संस्थेच्या अध्यक्ष श्रीमंत छ. सौ. वेदांतिकाराजे भोसले यांनी अभिनंदन करून पुढील वाटचालीसाठी शुभेच्छा दिल्या. यावेळी कॉलेजचे प्राचार्य प्रसाद कुलकर्णी, एबीआयटी पॉलिटेक्निकचे प्राचार्य सतीश धुमाळ, उपप्राचार्य राजेंद्र नलवडे, कार्यालयीन अधीक्षक सोपं भोसले, छ. शाहू आयटीआयचे प्राचार्य विजयसिंह मोहिते आदी उपस्थित होते.