सातारा :   दिनांक १८/४/२०२५ ते ०९/०५/२०२५ या कालावधी मध्ये जॉर्डन (अमन) येथे सुरु असलेल्या १५ वर्षाखालील आशियाई बॉक्सींग क्रीडा स्पर्धांमध्ये भारत देशाचे प्रतिनिधीत्व करणारे सातारा जिल्हा पोलीस क्रीडा प्रबोधिनीतील प्रशिक्षणार्थी कुमार यश ववन निकम (३० ते ३३ किग्रॅ वजनी गट) व कुमारी समृद्धी सतीश शिंदे (५२ ते ५५ किग्रॅ वजनी गट ) यांनी कांस्य पदक प्राप्त केले आहे. आशियाई क्रीडा स्पर्धांमध्ये भारताला पदक प्राप्त करुन देणारे सातारा जिल्ह्यातील पहिले महिला व पुरुष खेळाडु ठरले आहेत.

सातारा जिल्हा पोलीस दलामार्फत सुरु असलेल्या सातारा जिल्हा पोलीस क्रीडा प्रबोधिनीमधुन अनेक गुणवंत खेळाडु घडत आहेत. सातारा जिल्हा पोलीस क्रीडा प्रबोधिनीच्या माध्यमातुन गुणवंत खेळाडु घडविण्याची मालिका कायम सुरु असुन पाल्यांना उत्तम प्रशिक्षक वर्ग व आवश्यक सर्व सुविधा उपलब्ध करुन दिल्याबद्दल पालक वर्गाकडुन व इतर सर्व विभागांकडुन सातारा जिल्हा पोलीस क्रीडा प्रबोधिनीचे कौतुक होत आहे. सातारा जिल्हा पोलीस क्रीडा प्रबोधिनी येथे प्रशिक्षण घेत असलेले प्रशिक्षणार्थी यांना श्री सुनिल सपकाळ स्पोर्ट इन्चार्ज / प्रबोधिनी व्यवस्थापक, सॅम्युअल भोरे सहा. स्पोर्ट इन्चार्ज / प्रबोधिनी व्यवस्थापक, प्रशिक्षक पोहवा /१९० सागर जगताप (एन. आय.एस. बॉक्सींग प्रशिक्षक ), मपोकॉ / ८४ पुजा शिंदे ( बॉक्सींग प्रशिक्षक ) यांनी शास्त्रशुद्ध पद्धतीने प्रशिक्षण दिले.

सातारा जिल्हा पोलीस क्रीडा प्रबोधिनीतील पदक प्राप्त प्रशिक्षणार्थी व त्यांना उत्कृष्ठ रित्या मार्गदर्शन व प्रशिक्षण दिलेले प्रबोधिनी व्यवस्थापक, प्रशिक्षक यांचे उल्लेखनिय कामगिरी बाबत श्री. समीर शेख पोलीस अधीक्षक सातारा, श्रीमती डॉ. वैशाली कडुकर अपर पोलीस अधीक्षक सातारा, श्री. अतुल सबनीस पोलीस उप-अधीक्षक (गृह), श्री. राजु शिंदे राखीव पोलीस निरीक्षक, श्री सुनिल चिखले पोलीस उप-निरीक्षक पोलीस कल्याण व मानवी संसाधन कार्यालय सातारा यांनी हार्दिक अभिनंदन केले आहे. तसेच पुढील वाटचालीकरीता शुभेच्छा दिल्या