वाई : वाई तालुक्यातील चांदवडी गावच्या ग्रामपंचायत यांच्या वतीने १५ ऑगष्ट स्वातंत्र अमृत महोत्सव मोठया उत्साहात साजरा चांदवडी येथे १५ ऑगष्ट या दिवशी गावातील ज्येष्ठ माजी सैनिक, ज्यांनी देशाच्या सेवेसाठी आपल्या आयुष्याचे वीस वर्षे दिली ,अशा श्री राजाराम शिंदे (दादा) यांच्या हस्ते ध्वजारोहण करण्यात आले.त्याचप्रमाणे गावातील सर्व ७५ वर्षीय ज्येष्ठ नागरिक (महिला व पुरुष) यांचे सत्कार करण्यात आले. ज्येष्ठ नागरिक तंटामुक्तीचे अध्यक्ष श्री.संपतराव शिंदे यांचा जन्म १५ ऑगस्ट १९४७ रोजी झाला व त्यांनाही आज 75 वर्षे पूर्ण झाले म्हणून त्यांचा वाढदिवस मोठया उत्साहात साजरा करण्यात आला.माजी सैनिक राजाराम शिंदे व माजी सैनिक सचिन शिंगटे आणि गावातील ज्येष्ठ नागरिक यांची गावातून मिरवणूक काढण्यात आली.या कार्यक्रमाला सरपंच, उपसरपंच, ग्रामपंचायत सदस्य, ग्रामस्थ मोठ्या संख्येने हजर होते. लहान मुले व महिलांनी मोठया प्रमाणात सहभाग घेतल्यामुळे गावात सर्वत्र आनंदाचे वातावरण होते