देशमुखनगर : सातारा तालुक्यातील नागठाणे गावातील सामाजिक कार्यात अग्रेसर असलेले अभय एक्सलंट कला व क्रीडा गणेशोत्सव मंडळ नागठाणे यांच्यामार्फत केंद्र शाळा नागठाणे येथील नवोदित विद्यार्थ्यांना वार मंगळवार दिनांक २५ जून २०२४ रोजी शाळेतील ५० गरजू विद्यार्थ्यांना शैक्षणिक साहित्याचे वाटप करण्यात आले. 
                           नागठाणे गावातील भटक्या विमुक्त जाती जमाती मधील विद्यार्थी तसेच गरीब विद्यार्थ्यांसाठी शैक्षणिक साहित्य वाटप केले. या शैक्षणिक साहित्य किट मध्ये मध्ये पहिली ते चौथी मधील विद्यार्थ्यांसाठी प्रत्येकी दुरेघी अर्धा डझन वह्या , कंपास पेटी ,खडूपेटी ,चित्रकला वही, पेन, पट्टी, पेन्सिल हे साहित्य देण्यात आले. पाचवी ते सातवी पर्यंतच्या विद्यार्थ्यांसाठी प्रत्येकी फुल स्केल अर्धा डझन वह्या, चित्रकला वही, कंपास पेटी, पेन, पट्टी, पेन्सिल, स्केच पेन, इत्यादी. साहित्याचे वाटप करण्यात आले.
                     या कार्यक्रमाचे सूत्रसंचालन श्री. खाडे सर यांनी केले प्रस्ताविक माननीय मुख्याध्यापिका सौ. कांताबाई जाधव मॅडम यांनी केले मनोगत मंडळाचे सभासद श्री.विशाल साळुंखे यांनी केले तर आभार प्रदर्शन सौ. मगर मॅडम यांनी केले.
                         या कार्यक्रमावेळी केंद्र शाळा नागठाणे मधील शाळा व्यवस्थापन समिती अध्यक्ष श्री. संदीप साळुंखे, मुख्याध्यापिका जाधव मॅडम, शिक्षक व शिक्षकेतर कर्मचारी तसेच अभय कला व क्रीडा गणेशोत्सव मंडळाचे पदाधिकारी व सभासद उपस्थित होते या उपक्रमाचे नागठाणे ग्रामस्थांनी भरभरून कौतुक केले आहे.