नागठाणे :L बोरगाव पोलिस ठाण्याअंतर्गत येणाऱ्या सर्व गणेश मंडळांची बैठक बोरगाव (ता.सातारा) येथील सांस्कृतीक हाँलमध्ये खेळीमेळीत पार पाडली. 
    यावेळी सपोनि चेतन मछले यांनी डीजेच्या आवाजामुळे होणारे परिणाम तसेच डीजेचा आवाज किती डेसीबल जातो याचे प्रात्यक्षीक दाखवले.यावेळी डीजेचा लहान आवाज लावला तरी त्याचे डेसीबील ८० ते ८५ डेसीबलच्या पुढे जातो हे डेमोतून मंडळांच्या कार्यकर्त्यांना दाखवून दिले. डीजे लावून आवाजाचे कसे उल्लंघन होते हे डेमोच्या माध्यमातून पटवून देऊन गणेशोत्सव मंडळांना डीजेला परवानगी मिळणार नसल्याचे सांगून सर्व नियम पाळण्याचे आवाहन केले. 
    गणेशोत्सवात कायदा, सुव्यवस्था राखण्यासाठी मार्गदर्शन करून मंडळांनी तसेच कार्यकर्त्यांनी अपुऱ्या माहितीवर आणि अफवांवर विश्वास न ठेवता, योग्य माहिती घेवूनच गणेशोत्सव साजरा करावा असेहि आवाहनही यावेळी सपोनि चेतन मछले यांनी केले.बैठकीस बोरगाव पोलीस ठाण्यांतर्गत येणाऱ्या सर्व गावांतील गणेश मंडळांचे अध्यक्ष, उपाध्यक्ष , कार्यकर्ते, बोरगाव पोलिस ठाण्याचे कर्मचारी उपस्थित होते.