सातारा : साताऱ्यात शिवसेनेला दुसऱ्यांदा मोठं खिंडार पडल्याचं चित्र पाहायला मिळत आहे. गेली अनेक वर्ष शिवसेनेसोबत एकनिष्ठ असलेले चंद्रकांत जाधव यांनी आज उद्धव ठाकरेंच्या शिवसेनेला जय महाराष्ट्र करत एकनाथ शिंदे गटात प्रवेशाचा निर्णय घेतला आहे. पुरुषोत्तम जाधव यांनी एकनाथ शिंदे गटात प्रवेश करत मोठं खिंडार शिवसेनेला पाडलं होतं यानंतर पुरुषोत्तम जाधवांनी जिल्ह्यात फोडा फोडी सुरु केली असून शिवसेनेचा आणखी एक शिलेदार शिंदे गटात नेला असून हा सेनेला मोठा धक्का मानला जात आहे.
आज प्रवेश केलेले चंद्रकांत जाधव हेच शिवसेनेची नोटीस घेऊन शंभुराज देसाई यांच्या घरावर चिटकवण्यासाठी गेले होते यामुळे उद्धव ठाकरेंचा एवढा निष्ठावान शिवसैनिक एकनाथ शिंदे गटात सामील झाल्यामुळे आता मोठा फटका जिल्ह्यात सेनेला बसला असल्याचं पहायला मिळत आहे. यामुळे एकनाथ शिंदेंनी पुरुषोत्तम जाधवांच्या माध्यामातून फोडाफोडीचं सत्र सुरु केलं असून नक्की किती शिवसैनिक शिंदे गटात जाणार हे पाहाणं देखील औत्सुक्याचं असणार आहे.
सातारा जिल्ह्यात शिवसेनेला आणखी एक धक्का बसला आहे. तो म्हणजे सातारा जिल्हाप्रमुख चंद्रकांत जाधव हे देखील शिंदे गटात सामील झाले आहेत. त्यामुळे साताऱ्यात देखील शिवसनेला मोठं खिंडार पडलं असल्याचं चित्र आहे.
प्रकाश शिंदे 
