सातारा : पुणे - बंगळूर महामार्गावर चिंचणी फाटा (पाटेश्वरनगर) नजीक दुचाकीला पाठीमागून आलेल्या कंटेनरने जोरदार धडक दिली. यात दुचाकीवरील एक युवती जागीच ठार झाली तर एक यूवती गंभीर जखमी झाली आहे.

 बुधवारी दुपारी हा अपघात झाला. साक्षी सचिन देशमुख, वय २१, रा. तारळे, ता. पाटण असे मृत तरुणीचे नाव आहे तर तिची मैत्रिण साक्षी अमृत ढाणे, वय २१, रा. पाडळी, ता. जि. सातारा ही गंभीर जखमी झाली आहे. दुचाकीला धडक दिलेला कंटेनरचा चालक कंटेनर रस्त्यावर सोडून पळून गेला. या दोघीही साताऱ्यात महाविद्यालयीन शिक्षण घेत होत्या. धडक एवढी जोरदार होती, की साक्षी देशमुख ही जागीच ठार झाली. साक्षी ढाणे हिच्या पायाला व हाताला गंभीर दुखापत झाली आहे. 

घटनास्थळी बोरगाव पोलीस ठाण्याचे स.पो.नि. धोंडिराम वाळवेकर व महिला पोलीस उपनिरीक्षक स्मिता पाटील यांनी भेट देवून पंचनामा केला..