शिवथर : येथे पलानी ओढा येथे नवीन बंधाऱ्याकरिता मा. खासदार श्रीनिवास पाटील साहेब यांच्या प्रयत्नातून व माजी कृषी सभापती किरण साबळे पाटील यांच्या शिफारशीतून नवीन बंधाऱ्याचा भूमिपूजन समारंभ संपन्न झाला. सध्या सर्वत्र पर्जन्यमान कमी असल्यामुळे पाण्याची टंचाई जाणवत आहे त्यास शिवथरही अपवाद नाही याच करता ग्रामपंचायतींनी पाठपुरावा करून मा. खासदार श्री श्रीनिवास पाटील यांच्याकडून येथे नवीन बंधारा मंजूर करून घेतला आहे.या बंधाऱ्यामुळे शिवथर परिसरातील पाणीसाठा वाढण्यास मदत होणार आहे तसेच गावची भूजल पातळी वाढवण्यास मदत होईल व जवळ असणाऱ्या शिवथर गावच्या पाणीपुरवठा विहिरीसाठी हा बंधारा वरदान ठरेल. या बंधाऱ्याचे भूमिपूजन शिवथर गावच्या सरपंच नशीम इनामदार यांच्या हस्ते करण्यात आला या बंधाऱ्याकरिता सतीश साबळे व योगेश साबळे पाटील यांनी आपल्या शेतीच्या बाजूची जागा बंधारा बांधकामासाठी उपलब्ध करून दिली. याबद्दल त्यांचे सर्व ग्रामस्थातून कौतुक होत आहे.यावेळी  ग्रामपंचायतीचे उपसरपंच दत्तात्रय दिनकर साबळे. माजी सरपंच नवनाथ साबळे, हेमलता साबळे सोसायटीचे चेअरमन जितेंद्र पिसाळ ग्रामपंचायत सदस्य प्रिया साबळे ,संतोष हवाळे, संतोष साबळे,अनिल साबळे सतीश साबळे, अजित साबळे,संजय साबळे व ग्राम विकास अधिकारी विलास माने आदी ग्रामस्थ उपस्थित होते