अंतवडी : अंतवडी ता. कराड येथे हणबरवाडी जलसिंचन योजनेच्या पाणी पूजनाचा कार्यक्रम ग्रामपंचायतीचे आजी-माजी पदाधिकाऱ्यांच्या हस्ते  नुकताच संपन्न झाला. आ. बाळासाहेब पाटील यांच्या विशेष  प्रयत्नातून व अंतवडी गावासाठी त्यांनी केलेल्या रास्ता रोको आंदोलनामुळे शिवारात पाणी खळखळले. यामुळे पिण्याच्या व शेतीच्या पाण्याची गैरसोय दूर झाल्याच्या भावना ग्रामस्थांनी पाणीपूजन प्रसंगी व्यक्त केल्या. यावेळी सरपंच सौ. उज्वला हणमंत साळुंखे, उपसरपंच सौ.शितल सचिन शिंदे, ग्रा.पं.सदस्य मनोज पांडुरंग माने, सदस्या सौ. मनीषा संभाजी शिंदे, सदस्य हणमंत रामचंद्र शिंदे, सदस्या श्रीमती सीमा बाबुराव चव्हाण, माजी उपसरपंच सुरेश शिंदे, जिजाबा शिंदे (बापूराव मास्तर), रिसवड-अंतवडी सोसायटीचे संचालक भागवत माने, इतर सर्व संचालक व अंतवडी ग्रामस्थ उपस्थित होते.