देशमुखनगर ः सातारा तालुक्यातील अंगापूर वंदन येथील  ग्रामदैवत श्री.एवार्जीनाथ यात्रा मंगळवार दि.१४ व बुधवार दि.१५ मार्च रोजी संपन्न होत आहे. या निमित्ताने विविध कार्यक्रमांचे आयोजन करण्यात आले आहे.  सोमवार दि.१३ रोजी संध्याकाळी हरीजागर  संपन्न होणार आहे.दि.१४ रोजी सकाळी ९.०० वाजले पासून भव्य बैलगाडा शर्यती आयोजित केल्या  आहेत. सायंकाळी ७.३० वाजता ग्रामदैवत श्री.एवार्जीनाथ छबिनास ( मिरवणूक)सुरूवात होणार आहे. बुधवार दि.१५ रोजी दुपारी ४.०० वाजता भव्य जंगी कुस्त्यांच्या मैदानाचे आयोजन करण्यात आले आहे. या मैदानात महाराष्ट्रातील नामवंत कुस्ती मल्लांच्या लढती जोडण्यात आल्या आहेत. तर रूपये १०० ते १००० इनामाच्या कुस्त्या मैदानात जोडण्यात येणार असल्याची माहिती यात्रा कमिटीचे अध्यक्ष राजेंद्र कणसे, सरपंच नीलम कणसे,उपसरपंच विश्वनाथ कणसे यांच्या वतीने देण्यात आली आहेत. या सर्व कार्यक्रमांना उपस्थित राहवे असे आवाहन  यात्रा कमिटीच्या वतीने करण्यात आले आहे.