अंधारी खूनप्रकरणी पैलवानाला अटक
आज कोर्टात हजर करणार; एलसीबीची कारवाईSatara News Team
- Fri 17th Jan 2025 09:15 am
- बातमी शेयर करा
सातारा : अंधारी (ता. जावली) येथील संजय गणपत शेलार (वय ३२) यांच्या खून प्रकरणी रामचंद्र तुकाराम दुबळे (३८, रा. सैदापूर, ता. सातारा) याला स्थानिक गुन्हे अन्वेषण विभागाच्या पोलिसांनी अटक केली. संशयित दुबळे हा पैलवान असून त्याने खून केल्याची कबुली दिली आहे.
याबाबत अधिक माहिती अशी, संजय शेलार यांना मारहाण झाल्यानंतर दि. २ जानेवारी रोजी सकाळी त्यांचा मृतदेह अंधारी गावच्या हद्दीत आढळून आला. मेढा पोलिसांनी घटनास्थळाचा पंचनामा करून मृतदेह शवविच्छेदनासाठी पाठवला असता मारहाणीमुळे मृत्यू झाल्याचे समोर आले. यामुळे मारेकरी कोण? असा सवाल उपस्थित झाला. मेढा, पोलिस तपास करत असताना त्यांना यश येत नव्हते. यामुळे फळणीचे ग्रामस्थ व शेलार कुटुंबिय आक्रमक झाले होते. मारेकऱ्यांचा तत्काळ शोध घ्यावा, यासाठी निवेदनेही दिली. खूनप्रकरणी पोलिसांचा प्राथमिक तपास सुरू असताना अनेकांकडे चौकशी केली. शेलार कुटुंबिय तसेच ग्रामस्थांनी जे आरोप केले त्यानुसारही पोलिसांनी तपास केला. मात्र गेले १५ दिवस पोलिसांच्या हाती धागेदोरे मिळत नव्हते. बुधवारी या प्रकरणात अरुण कापसे यांना अटक करण्यात आली होती. मात्र, सुनावणीनंतर न्यायालयाने त्यांची जामीनावर मुक्तता केली होती.
अखेर गुरुवारी या प्रकरणातील मारेकऱ्याला पोलिसांनी पकडले. संशयित रामचंद्र दुबळे याला दुसऱ्या जिल्ह्यात पकडल्यानंतर रात्री उशीरा साताऱ्यात आणण्यात आले. पोलिसांनी प्राथमिक चौकशी केली असता त्याने खुनाची कबुली दिली आहे. पोलिस कोठडीसाठी न्यायालयात हजर | केल्यानंतर पोलिस त्याच्याकडे अधिक चौकशी करणार आहेत. यामुळे खुनाचे नेमके कारण काय? मारहाणीसाठी कोणत्या हत्याराचा वापर केला? हल्ला | केल्यानंतर संशयित कुठे गेला? त्याला अन्य आणखी कोणी मदत केली? याचा संपूर्ण तपास पोलिस करणार आहेत.
satara
crime
lcbsatara
स्थानिक बातम्या
मसूर पोलिस ठाण्यातील ई-चलान मशीन गैरवापराने शासकीय वाहने आणि शस्त्रांच्या सुरक्षिततेचा प्रश्न ऐरणीवर!
- Fri 17th Jan 2025 09:15 am
पुसेसावळी येथे अन्न व औषध प्रशासनाच्या अभिनव उपक्रमातून रईस चा जन्म
- Fri 17th Jan 2025 09:15 am
कोयना जलाशय परिसरातील ५०० दुष्काळग्रस्त शेतकऱ्यांना मदतीचा हात
- Fri 17th Jan 2025 09:15 am
दुर्योधनाच्या अहंकारामुळे महाभारत... जयकुमार गोरेंचा तोच अहंकार भाजपला नडणार ?
- Fri 17th Jan 2025 09:15 am
चोराडे येथे विहिरीत पडलेल्या कोल्ह्याला वनविभागाने दिले जिवदान.
- Fri 17th Jan 2025 09:15 am
वर्दीतील दर्दी! कष्टकरी महिलांची दिवाळी गोड करणारे पोलीस उपनिरीक्षक सतीश मयेकर.
- Fri 17th Jan 2025 09:15 am
संबंधित बातम्या
-
ढेबेवाडीत मगर बंधू ज्वेलर्समध्ये चोरी; नऊ तोळे सोने लंपास!
- Fri 17th Jan 2025 09:15 am
-
महामार्गावर कवठे गावानजीक एक किलो सोने दरोडेखोरांनी लुटले
- Fri 17th Jan 2025 09:15 am
-
खरेदी दस्ताची नोंद मंजूर करण्यासाठी तीन हजारांची लाच; मंडलाधिकारी रंगेहाथ जाळ्यात
- Fri 17th Jan 2025 09:15 am
-
औंध पोलिस ठाण्याचे हद्दीत ‘सगळेच वैध’ कसे?
- Fri 17th Jan 2025 09:15 am
-
पुसेसावळी येथील वरिष्ठ तंत्रज्ञ तानाजी धुमाळ यांचा ‘मीटर चोरी’चा धुमाकूळ?
- Fri 17th Jan 2025 09:15 am
-
नोकरीवरून काढल्याच्या रागातून आंदोलनाचा प्रयत्न; CPR देत जवानांनी वाचवले प्राण, रुग्णालयात उपचार सुरू
- Fri 17th Jan 2025 09:15 am
-
वाढे गावातील हॉटेलच्या बनावट ना हरकत दाखला प्रकरणाने खळबळ
- Fri 17th Jan 2025 09:15 am
-
मुंबईत गुन्हा, जावळीत लपाछपी; बॉलिवूड दिग्दर्शक नुरानीचा ‘फार्महाऊस प्लॅन’ मेढा पोलिसांनी उधळला!
- Fri 17th Jan 2025 09:15 am













