वाई तालुक्यातील जनतेने दिलेले प्रेम, केलेले सहकार्य कधीच विसरने शक्य नसून ते ऋणानुबंध मनात कायम राहतील, असे कृतज्ञतापूर्वक उदगार सातारा जिल्हा परिषदेचे कार्यकारी अभियंता श्रीपाद जाधव यांनी भुईंज येथे काढले.
    वाई सार्वजनिक बांधकाम खात्याच्या उपअभियंता पदावरून सातारा जिल्हा परिषदेचे कार्यकारी अभियंता (उत्तर) या पदी बढती मिळाल्याबद्दल भुईंज येथे ग्रामस्थांच्यावतीने त्यांचा सत्कार करण्यात आला. त्याप्रसंगी ते बोलत होते. यावेळी त्यांनी भुईंज येथील महालक्ष्मी मंदिर, भृगुऋषि मठ ही ऊर्जा देणारी अलौकिक ठिकाणे असल्याचे सांगून हा ठेवा समृद्ध व्हावा, अशी अपेक्षा व्यक्त केली.
उपसरपंच प्रशांत जाधवराव, ज्येष्ठ नागरिक वसंतराव भोसले पाटील, प्राचार्य आर. एस. पाटील यांच्या हस्ते मानाचा फेटा, शॉल, पुष्पहार, कंदी पेढे देऊन श्रीपाद जाधव यांचा सत्कार करन्यात आला.
यावेळी सोसायटीचे चेअरमन मदन शिंदे, संचालक जालिंदर भोसले, तिरंगा फाउंडेशनचे पै. जयवंत पवार, उत्कर्ष पतसंस्थेचे व्यवस्थापक प्रकाश पवार, जेष्ठ पत्रकार कृष्णात घाडगे, उद्योजक विजय चव्हाण, गणेश भोसले, अजित शिंदे, देवस्थानचे विश्वस्त राजेंद्र भोसले, उमेश जाधवराव, विरसेन जाधवराव, पै. राहुल शिंदे, पै. प्रफुल्ल शिंदे, वाई तालुका पत्रकार संघाचे माजी अध्यक्ष विलास साळुंखे, राहुल तांबोळी, किशोर रोकडे, विनोद भोसले, जितेंद्र वारागडे, संजय माटे, अमित पाटील, एस. पी. पाटील, एन. बी. कोवाळे, आशुतोष जाधव आदी उपस्थित होते. जयवंत पिसाळ यांनी सर्वांचे स्वागत करून आभार मानले.