खटाव :  महाराष्ट्र राज्य विद्युत वितरण कंपनी चे इलेक्ट्रीक कंत्राटदार कृष्णा बाळासो थोरात यांनी त्यांचे कामाचे ठिकाण गिरीजा शंकर वाडी ता. खटाव येथुन अॅल्युमिनियमची तार चोरीस गेल्याची तक्रार औंध पोलीस ठाण्यात केली आहे. पोलीसांनी सदर चोरीबाबत तांत्रिक माहितीच्या आधारे पोलीसांनी चोरांचा तपास करून १. आनंदा रामचंद्र पाटोळे २. संदिप सुरेश जाधव रा. भुषणगड ता. खटाव जि.सातारा यांना ताब्यात घेवुन त्यांच्याकडे विचारपुस केली असता त्यानी नमुद गुन्हा दोघांनी मिळून केल्याची कबुली दिली, पोलीसांनी आरोपींकडून ५०,०००/- रुपये किंमतीची ९५ किलो वजनाची अॅल्युमिनियमची तार आणि गुन्हा करण्यासाठी वापरलेली ओमनी गाडी असा एकूण २,५०,०००/- रुपयाचा मुद्देमाल जप्त केला. सदरची कारवाई मा.पोलीस अधिक्षक, अजयकुमार बन्सल, मा अप्पर पोलीस अधिक्षक, अजित बोऱ्हाडे, उपविभागिय पोलिस अधिकारी, गणेश किंद्रे, यांच्या मार्गदर्शनाखाली सहाय्यक पोलिस निरीक्षक दत्तात्रय दराडे, यांच्या नेतृत्वात पोलिस उपनिरीक्षक गंगाप्रसाद बी. केंद्रे, पोलिस हवा. राहुल वाघ, पोलिस नाईक संतोष पाडळे, पोलिस शिपाई किरण हिरवे, पोलिस शिपाई पंकज भुजबळ यांनी केली.