फलटण : फलटण तालुक्यातील २४ ग्रामपंचतींच्या सार्वत्रिक निवडणुकांसाठी रविवार दिनांक १८ डिसेंबर रोजी सकाळी साडेसात वाजता शांततेत मतदानास प्रारंभ झाला.विडणी या ग्रामपंचायत निवडणुकीत मतदारांमध्ये मोठा उत्साह दिसून आला. या निवडणुकी साठी ६ मतदान केंद्रांवर मतदान पार पडले. सुमारे ७९.६०टक्के मतदारांनी हक्क बजावला आहे.थेट सरपंच पदासाठी भाजप वतीने सागर कांतीलाल अभंग,राष्ट्रवादी पक्षाच्या वतीने सुरेश विठ्ठल नाळे,तर आप च्या वतीने अनिकेत किसन नाळे,तर अपक्ष म्हणून विठ्ठल सोनबा पवार हे उमेदवार थेट सरपंच पदासाठी उभे राहिले होते.याबाबत घटनास्थळावरून मिळालेली अधिक माहिती अशी की फलटण तालुक्यातील लोकसंख्येच्या दृष्टीने मोठे गाव असलेल्या विनंती गावात एकुण ६ वार्ड आहेत.निवडणुक करिता वार्ड क्रमांक १,४,५,६ मध्ये भाजप व राष्ट्रवादीचे आमनेसामने ३-३ उमेदवार निवडून लढवत होते.तर वार्ड क्रमांक २ मध्ये भाजप चे ३ राष्ट्रवादीचे ३ तर राष्ट्रीय काँग्रेस चा १ असे उमेदवार होते.तर वार्ड क्रमांक ३ मध्ये भाजपचे २ व २ राष्ट्रवादीचे असे चार उमेदवार आमनेसामने उभे राहिले होते.मतदानानंतर १ सरपंच पदासाठीच्या ४ तर १७ ग्रामपंचायत सदस्य पदासाठीच्या १८ उमेदवारांचे भविष्य ईव्हीएम मशीन मध्ये बंदीस्त झाले आहे .या सर्व निवडणूक प्रक्रियेवर उपविभागीय अधिकारी फलटण, उपविभागीय पोलिस अधिकारी फलटण तहसीलदार फलटण,राजाळे मंडलाधिकारी, ग्रामपंचायत विडणी तलाठी,ग्रामसेवक, व पोलीस पाटील यांच्या मार्गदर्शना खाली मतदान प्रक्रिया सर्वत्र  व्यवस्थित पार पाडण्यासाठी व्यवस्था केली होती तर कायदा सुव्यवस्था बिघडू नये या करीता उपविभागीय पोलिस अधिकारी व फलटण शहर व फलटण ग्रामीण पोलिसांचे विशेष पथक मतदान स्थळी तैनात करण्यात आले होते.

विडणी गावात झालेले वार्ड निहाय मतदान पुढील प्रमाणे 
वार्ड क्रमांक:१-१३२९
वार्ड क्रमांक:२-१००८
वार्ड क्रमांक:३-०७४८
वार्ड क्रमांक:४-१२३२
वार्ड क्रमांक:५-१४५८
वार्ड क्रमांक:-६-९०१
असे एकूण ८३८६ पैकी६६७६ मतदारांनी आपला मतदानाचा हक्क बजावला आहे.