सातारा : सध्या हिवाळा सुरू असला तरी दुपारच्या वेळी उन्हाच्या तडाख्याने जीव कासावीस होत आहे. मात्र अशा उन्हातच भरदुपारी विद्यार्थ्यांना पटांगणात जेवणासाठी बसविण्यात येत असल्याचा प्रकार साताऱ्यातील अण्णासाहेब कल्याणी विद्यालयात समोर आला आहे.
आता हिवाळा ऋतू असला तरी दुपारच्या सुमारास तापमान ३० अंश सेल्सिअस पर्यंत अनुभवयास मिळत आहे. त्यामुळे दुपारच्या सुमारास उन्हाचा चटका सहन करावा लागत आहे. दिवाळीच्या सुट्ट्या संपल्याने सर्वत्र शाळा सुरु झाल्या आहेत. परंतु याचवेळी अण्णासाहेब कल्याणी विद्यालयात विद्यार्थ्यांना मध्यान्ह भोजन हे रखरखत्या उन्हात शाळेच्या पटांगणात बसून खावे लागत आहे. त्यामुळे शाळा प्रशासनाच्या या कारभाराबाबत पालक वर्गामधून संताप व्यक्त करण्यात येत आहे.
