औंध:  औंध पोलीस स्टेशन हद्दीतील मौजे वडगाव ते चोराडे रस्त्यावर लिंबारे वस्तीजवळ दि. १५/०७/ २०२३ रोजी दुपारी ०३:०० वाजण्याच्या सुमारास पांढऱ्या रंगाची एक टाटा एस (छोटा हत्ती) क्र. एम.एच.११ एक.जी. ५१४० या वाहनाने पांढऱ्या रंगाचे गोवंश आणि काळ्या रंगाचा रेडा विनापरवाना कत्तली साठी वाहतूक करून नेत असल्याबाबतची फिर्याद औंध पोलीस स्टेशन येथे दादासो मारुती माळी, वय - ४८ वर्षे, व्यवसाय - शेती, रा. वडगांव (ज. स्वामी), ता. खटाव, जि. सातारा, यांनी दिली आहे.
             याबाबत औंध पोलीसांनी आरोपी नं. १) अनिल मोहन गायकवाड, वय -३२ वर्षे, रा. तडसर वांगी, ता. कडेगाव, जि. सांगली. २)बबन बंडू उमापे, वय -६६ वर्षे, रा. राहाटणी, ता.खटाव, जिल्हा सातारा यांचेवर
गु.र.नं.-२०४/२०२३ महाराष्ट्र प्राणी रक्षण अधिनियम १९७६ चे कलम ५ अ,५ ब,९ व प्राण्यांचा छळ प्रतिबंधक अधिनियम १९६० चे कलम ११, मोटार वाहन कायदा ५०/१७७, ३(१)/१७७,८३(१)/१७७, भा द वि कलम -३४ नुसार कारवाई करत 
 सी.आर.पी.सी. ४१(१)प्रमाणे नोटीस दिली.
        संबंधित गुन्ह्यातील इसमांकडून अंदाजे किंमत २०,०००/- रूपयांची एक गोवंशिय पांढऱ्या रंगाची गाय, जीचे वय अंदाजे ६ वर्षे, ३०० किलो ग्राम वजन अंदाजे, व अंदाजे किंमत २०००/-  रूपयांचा एक काळ्या रंगाचा रेडा, त्याचे वय अंदाजे १ वर्षे, १०० किलो ग्राम वजन अंदाजे आणि अंदाजे किंमत १,००,०००/- रूपये किंमतीची एक पांढऱ्या रंगाची बॉडी असलेली मालवाहतूक करणाऱ्या टाटा एस (छोटा हत्ती) वाहन क्रमांक एम.एच.११ ए. जी.५१४० जुना वाहण कींमत अंदाजे असा एकूण किंमत १,२२,०००/- रूपयांचा मुद्देमाल जप्त करण्यात आला. 
           याचा पुढील तपास सहायक पोलिस निरीक्षक दत्तात्रय दराडे आणि पोलीस उपनिरीक्षक गंगाप्रसाद केंद्रे यांच्या मार्गदर्शनाखाली पोलीस नाईक राहुल सरतापे करत आहेत.