प्राथमिक शिक्षक सहकारी बँक लिमिटेड सातारा. या कर्मचाऱ्यांच्या बँकेची नुकतीच निवडणूक जाहीर झाली असून गुडघ्याला बाशिंग बांधून बसलेल्यांची प्रतीक्षा संपल्यानंतर अनेकांनी आपले उमेदवारी अर्ज दाखल केले आहेत.मात्र संपूर्ण जिल्ह्यामध्ये जनतेमधून अशी चर्चा सुरू आहे की काही शिक्षक गंभीर आजाराने त्रस्त आहेत. आणि अपंग कोट्यातून नोकरीला लागलेले आहेत अशांनी देखील उमेदवारी अर्ज भरल्याचे समजते.
परंतु असा नियम नाही की गंभीर आजाराने त्रस्त आणि अपंग लोकांनी निवडणूक लढवू नये. निवडणूक लढविण्याचा अधिकार सर्वांना आहे. परंतु आजारी आणि गंभीर लोकांना जर निवडून दिले तर ज्या शिक्षकांनी निवडून दिले त्या शिक्षकांचे प्रश्न मांडणार की आजारपणासाठी दवाखान्यामध्ये दाखल होणार.
अशा गंभीर आजारी असणाऱ्या लोकांनी निवडणूक लढवून जर जिंकली तर बँकेच्या हिताचे निर्णय कोण घेणार? बँक कर्मचाऱ्यांचे प्रश्न कोण सोडविणार? शिक्षकांच्या प्रश्नांसाठी कोण झगडणार? असे अनेक प्रश्न तयार होऊन बँकेच्या प्रगतीला आळा बसू शकतो.
प्राथमिक शिक्षक सहकारी बँक ही महाराष्ट्रातील एक नामवंत बँक म्हणून ओळखले जाते. आत्तापर्यंत या बँकेमध्ये निवडून गेलेल्या सभासदांनी अतिशय चांगली कामगिरी केली आहे. त्यामुळे इथून पुढेही अशाच चांगल्या लोकांना येणाऱ्या निवडणुकीमध्ये निवडून द्या. कर्णबधिर व गंभीर आजारी लोकांना निवडून दिले तर बँकेचे प्रश्न ऐकणार कोण असा सवाल कर्मचाऱ्यांसह नागरिकांमधून उपस्थित होत आहे..
एकनाथ वाघमोडे
