कराड: यशवंतनगर (कराड ) सह्याद्री सहकारी कारखाना संचालित व महात्मा फुले कृषि संलग्न नवीन सह्याद्री कृषि महाविद्यालयास शैक्षणिक वर्ष २०२३-२४ पासून मान्यता मिळालेली आहे. महाविद्यालयामध्ये कृषि व कृषि अभियांत्रिकी शाखेमध्ये  प्रथम वर्षात प्रवेश घेतलेल्या नवोदित विद्यार्थ्यांचा स्वागत समारंभ नुकताच संपन्न झाला. या कार्यक्रमास प्रमुख पाहुणे म्हणून सह्याद्री सहकारी साखर कारखान्याचे कार्यकारी संचालक श्री आबासाहेब पाटील आणि शेती अधिकारी श्री व्ही. बी. चव्हाण हे उपस्थित होते. महाविद्यालयामध्ये प्रवेश घेतलेल्या नवोदित विद्यार्थ्यांचे स्वागत प्रमुख पाहुण्यांच्या हस्ते करण्यात आला. सदर कार्यक्रमामध्ये प्रथम वर्षातील विद्यार्थ्यांना महाविद्यालयीन अभ्यासक्रम व इतर उपक्रम याबद्दल माहिती दिली.      

विदयार्थ्यांनी शैक्षणिक, कला, कौशल्य, सांस्कृतिक व क्रीडा क्षेत्रामध्ये  सहभाग घेऊन स्वतःचा आणि महाविद्यालयाचा नावलौकिक वाढविण्यासाठी जास्तीत जास्त प्रयत्न करावा तसेच कृषि शिक्षणाचा वापर शेतकरी व शेती पूरक व्यवसायासाठी करावा. त्यासाठी लागणारे सर्व प्रकारचे सहकार्य सह्याद्री सहकारी साखर कारखान्याचे चेअरमन व महाविद्यालायचे संस्थापक-अध्यक्ष आमदार श्री बाळासाहेब पाटीलसाहेब तसेच महाविद्यालयीन समितीचे अध्यक्ष श्री जशराज पाटील (बाबा) आणि सर्व संचालक करतील असे अह्वान कार्यक्रमाचे प्रमुख पाहुणे श्री आबासाहेब पाटील यांनी केले.

या कार्यक्रमास महाविद्यालयतील सर्व विद्यार्थी, शिक्षक व शिक्षकेत्तर स्टाफ उपस्थित होते. या कार्यक्रमास महाविद्यालयाचे प्राचार्य सुनील राठोड यांनी नवोदित विद्यार्थाना मार्गदर्शन केले. कार्यक्रमाचे सूत्र संचालन ऋषिकेश पाटील याने केले आणि आभार प्रा. राहुल निकम यांनी मानले.