विधान परिषदेचे सभापती श्रीमंत रामराजे नाईक निंबाळकर हे भाजपमध्ये जाण्याच्या चर्चांना अगदी उधान आल्याने ऐन वार्धक्यामध्ये राष्ट्रवादीचे सुप्रीमो शरद पवार यांना हा एवढा मोठा झटका सोसणे अगदी कठीणच जाईल परंतु ज्या राष्ट्रवादीने विधान परिषदेचे सभापती रामराजे नाईक निंबाळकर यांना भरभरून दिले त्या राष्ट्रवादीला फक्त लाल दिवा व खुर्चीच्या आमिषाने श्रीमंत रामराजे नाईक निंबाळकर रामराम करतील व भाजपमध्ये सभापतीपद वाचवण्यासाठी प्रवेश करतील हे सामान्य राष्ट्रवादीच्या कार्यकर्त्याला सोसेनासे झाल्याने फलटण कोरेगाव विधानसभा मतदारसंघातील तसेच प्रामुख्याने उत्तर कोरेगाव मधील श्रीमंत रामराजे समर्थकांना व राष्ट्रवादीच्या कार्यकर्त्यांना ही अगदी खूपणारी गोष्ट असल्याने सातारा जिल्ह्यातील राष्ट्रवादीच्या कार्यकर्त्यांनी श्रीमंत रामराजेंना राष्ट्रवादीला न सोडण्याची आर्त हाक दिली आहे.
आता ज्या राष्ट्रवादी काँग्रेसने भरभरून दिले असताना पडत्या काळात श्रीमंत रामराजे नाईक निंबाळकर राष्ट्रवादीला सहकार्य करणार की वार्धक्याच्या काळात चटके देणार हे पाहणे औसुक्याचे ठरणार आहे. 

महाराज साहेब राष्ट्रवादीच राहा, अशी आर्त हाक आपणास उत्तर कोरेगाव तालुक्यातील सर्व युवा कार्यकर्त्यांची असून प्रत्येक गावात आपण समाज हिताची अनेक कामे केली असून गावातील विरोधकांसोबत आम्हाला काम करणे जमणार नसून आपण योग्य निर्णय घ्यावा. 
           - नामदेव जाधव, राष्ट्रवादी युवा कार्यकर्ता, वाठार स्टेशन.