रहिमतपूर : शेतकरी हायस्कूल तारगाव तालुका कोरेगाव येथील 1993 ते 2001 सालातील शाळेच्या माजी विद्यार्थ्यांनी स्नेह मेळाव्याचे आयोजन केले आणि जवळपास 25 वर्षानंतर शाळेचे सवंगडी पुन्हा एकदा शाळेच्या आवारात भेटले .
येथील शेतकरी हायस्कूलमध्ये तारगाव व परिसरातीलविद्यार्थी शिक्षण घेत होते 1993 ला साली ज्यांनी पाचवी मध्ये प्रवेश घेतला व 1999 मध्ये दहावी व 2001 मध्ये बारावी पास होऊन विद्यार्थी बाहेर पडले .काहीजण पाच वर्ष तर काहीजण सात वर्ष एकत्रच राहिले . परंतु शाळा कॉलेज सुटल्यानंतर एकमेकांशी संपर्क झालाच नाही . शाळेतील मित्र मैत्रिणी भेटलेच पाहिजेत म्हणून 2019 मध्ये वर्गातील काही मुलांनी व मुलींनी एकत्र येत व्हाट्सअप चा ग्रुप तयार केला .फेसबुकच्या माध्यमातून अनेक मित्र गोळा केले . ज्या शेतकरी हायस्कूलच्या शाळेत शिकले त्याच शेतकरी हायस्कूलच्या प्रांगणात पुन्हा एकदा स्नेह मेळावा आयोजित झाला . या स्नेह मेळाव्यास जवळपास 125 विद्यार्थी व विद्यार्थिनी उपस्थित होत्या 
  ..जुन्या आठवणींना उजाळा देत मुलं मुली पुन्हा एकदा एकत्र आली . एकमेकांच्या सुखदुःखाच्या आठवणी एकमेकांना सांगत पुन्हा त्या शालेय दिवसात घेऊन गेले आणि अगदी प्राथमिक शिक्षकांच्या बरोबरच हायस्कूलच्या शिक्षकांचाही या कार्यक्रमात सर्वांनी सन्मान केला .
चौकट
यावेळी सर्व विद्यार्थ्यांनी एकत्र येतशाळेतील मुलींसाठी सॅनिटरी पॅड मशीन शाळेस भेट दिली तसेच इथून पुढे शाळेच्या प्रगतीसाठी लागणारे आवश्यक मदत द्यायचे आश्वासन सर्व माजी विद्यार्थ्यांनी दिले