वाठार स्टेशन : पिंपोडे बुद्रुक हे गाव कोरेगाव तालुक्यातील राजकीयदृष्ट्या अतिसंवेदनशील गाव म्हणून ओळखले जाते. यामध्ये विकास सेवा सोसायटी नंबर १ या सोसायटीची निवडणूक सध्या बिनविरोध पार पडली यामध्ये पिंपोडे बुद्रुक येथील राकेश पांडुरंग निकम यांची चेअरमनपदी तर व्हाईस चेअरमनपदी बाबुराव तुकाराम काकडे यांची एकमुखाने बिनविरोध निवड करण्यात आली .तसे पाहिले तर पिंपोडे बुद्रुक येथील राजकीय इतिहास पाहिला तर कोणतीच निवडणूक आजपर्यंत बिनविरोध पार पडली गेली नाही परंतु विकास सेवा सोसायटी नंबर १ ची निवडणूक यावर्षी बिनविरोध पार पडली खरंच पिंपोडे बुद्रुक गावचा हा एक आदर्श घेण्यासारखाच निकाल ठरत आहे गेले कित्येक वर्ष या सोसायटीच्या माध्यमातून शेतकऱ्यांसाठी विधायक असे उपक्रम केले जातात.
याच विविध विकास सेवा सोसायटी नंबर १ च्या चेअरमनपदी व व्हाईस चेअरमनपदी आपली वर्णी लागावी म्हणून अनेक जणांमध्ये रस्सीखेच सुरू असते परंतु आपल्या शांत संयमी स्वभावामुळे राकेश निकम व बाबुराव काकडे यांची चेअरमन व व्हाईस चेअरमनपदी वर्णी लागल्याचे समजते बिनविरोध निवड झाल्यामुळे त्यांना विविध स्तरातून त्यांच्यावर अभिनंदनचा वर्षाव होत आहे