सातारा शहर परिसरामध्ये भर पावसात अतिक्रमण हटाव मोहीम
- Satara News Team
- Fri 7th Jul 2023 09:55 pm
- बातमी शेयर करा
सातारा : सातारा शहर परिसरामध्ये रस्ते अरुंद असल्यामुळे नेहमीच वाहतुकीची कोंडी होते. त्यात रस्त्यावरील पार्किंग तेथेच पथविक्रेत्यांची गर्दी दुकानदारांनी रस्त्यावर टाकलेल्या लोखंडी जाळ्या यामुळे मोती चौक ते 501 पाटी या परिसरामध्ये दुचाकीस्वारांची चांगलीच कसरत होते.
सातारा : सातारा शहरांमध्ये शुक्रवारी पावसाने जोर धरलेला असताना भर पावसात सातारा पालिकेच्या अतिक्रमण हटाव पथकाने मोती चौक ते 501 पाटी यादरम्यान लोखंडी जाळ्या आणि बोर्ड जप्त करण्याची कारवाई केली. अचानक झालेल्या या कारवाईमुळे विक्रेत्यांची चांगलीच पळापळ झाली. या कारवाईमध्ये तब्बल 18 बोर्ड आणि नऊ लोखंडी जाळ्या जप्त करण्यात आल्याची माहिती आहे. यापुढेही ही कारवाई अशीच सुरू राहणार असल्याचा इशारा अतिक्रमण पथकाच्या विभागाच्या वतीने देण्यात आला आहे.
सातारा शहर परिसरामध्ये रस्ते अरुंद असल्यामुळे नेहमीच वाहतुकीची कोंडी होते. त्यात रस्त्यावरील पार्किंग तेथेच पथविक्रेत्यांची गर्दी दुकानदारांनी रस्त्यावर टाकलेल्या लोखंडी जाळ्या यामुळे मोती चौक ते 501 पाटी या परिसरामध्ये दुचाकीस्वारांची चांगलीच कसरत होते. हा बाजारपेठेचा भाग असल्यामुळे वाहतुकीची कोंडी निस्तरताना वाहतूक पोलिसांना बरेच प्रयत्न करावे लागतात. विनाकारण झालेल्या अतिक्रमणांच्या संदर्भात दक्षता समितीच्या बैठकीत वेळोवेळी आवाज उठवला जातो. मात्र प्रत्यक्षात कारवाई होत नसल्याच्या तक्रारी होत्या. पालिकेच्या अतिक्रमण हटाव पथकाकडे सुद्धा या तक्रारी प्राप्त झाल्या होत्या.
मुख्याधिकारी अभिजीत बापट यांच्या सूचनेप्रमाणे अतिक्रमण हटाव पथकाचे प्रमुख प्रशांत निकम आणि त्यांच्या टीमने शुक्रवारी सकाळी भर पावसात कारवाईला सुरुवात केली. यावेळी एक डंपर आणि नऊ कर्मचारी या कारवाई सहभागी झाले होते. या झटपट कारवाईमध्ये लोखंडी जाळ्या आणि रस्ते अडवणारे बोर्ड जप्त करण्यात आले. या कारवाई दरम्यान काही विक्रेत्यांशी पालिकेच्या कर्मचाऱ्यांची शाब्दिक चकमक झाली. मात्र कोणत्याही चकमकीला न जुमानता कारवाई कठोरपणे सुरू ठेवण्यात आली. काही पथविक्रेत्यांची बैठी दुकाने सुद्धा हटवण्यात आली.
रस्ता जितका मोकळा करता येईल तेवढा मोकळा करण्यात आला. 501 पाटीच्या परिसरातील काही चप्पल विक्रेत्यांना सुद्धा हटवण्यात आले. सुमारे एक तास ही कारवाई सुरू होती. या कारवाईचे नागरिकांनी कौतुक केले आहे. विक्रेत्यांनी विनाकारण दुकानासमोर लोखंडी जाळ्या टाकून वाहतुकीची कोंडी करू नये. अन्यथा पुन्हा कारवाई करण्यात येईल, असा इशारा पालिकेच्या अतिक्रमण पथकाने दिला आहे.
स्थानिक बातम्या
आकृतीबंधाचा शासन निर्णय दोन वर्षांपूर्वीच निर्गमित होऊनही अंमलबजावणी नाही
- Fri 7th Jul 2023 09:55 pm
गणेशभक्तांचा भावना लक्षात घेऊन रात्री बारानंतर देखील वाद्य वाजवण्यास परवानगी द्यावी
- Fri 7th Jul 2023 09:55 pm
स्थानिक गुन्हे शाखेने 2 देशी बनावटी पिस्टल, 3 जिवंत काडतुसासह 2 लाख 25 हजाराचा मुद्देमाल केला जप्त
- Fri 7th Jul 2023 09:55 pm
सातारा तालुका कबड्डी स्पर्धेचे उद्घाटन पाच वर्षाच्या निविताच्या हस्ते संपन्न...
- Fri 7th Jul 2023 09:55 pm
संबंधित बातम्या
-
आकृतीबंधाचा शासन निर्णय दोन वर्षांपूर्वीच निर्गमित होऊनही अंमलबजावणी नाही
- Fri 7th Jul 2023 09:55 pm
-
माण तहसील कार्यालयातील तक्रारी अर्ज व्हायरल!
- Fri 7th Jul 2023 09:55 pm
-
पुसेसावळी सह खटाव तालुक्यात चाललंय काय? रेशन फुकट अन् केवायसी ला मोजावे लागतात पैसे?
- Fri 7th Jul 2023 09:55 pm
-
औंध पोलिस ठाण्याच्या हद्दीतील अवैध व्यवसायीकांचा सुवर्णकाळ सुरू?
- Fri 7th Jul 2023 09:55 pm
-
आधी बदलीचे आदेश, नंतर साताऱ्यात पोलिस अधीक्षक यांच्या बदली आदेशाला स्थगिती
- Fri 7th Jul 2023 09:55 pm
-
साताऱ्यात पोलीस अधीक्षक सुधाकर पठारे आणि अप्पर पोलीस अधीक्षक वैशाली कडुकर यांची वर्णी ..
- Fri 7th Jul 2023 09:55 pm
-
१०८ रुग्णवाहिकेच्या निविदेची वर्क ऑर्डर निघाली
- Fri 7th Jul 2023 09:55 pm
-
एसपी समीर शेख यांना विशेष सेवा पदक
- Fri 7th Jul 2023 09:55 pm