सातारा : क्रांतीज्योती सावित्रीबाई फुले यांच्या जयंतीनिमित्त महाविद्यालयात आयोजित केलेल्या कार्यक्रम प्रसंगी महाविद्यालयाचे प्राचार्य डॉ. शेजवळ आर. व्ही. सरांनी विविध क्रीडा क्षेत्रात दैदिप्यमान कामगिरी करणाऱ्या महाविद्यालयाच्या खेळाडू मुलींचा विशेष सत्कार केला. महाविद्यालयाला क्रीडा क्षेत्रात एक विशिष्ट उंची प्राप्त करून देणाऱ्या याच आमच्या खऱ्या खेळाडू सावित्रींचा सत्कार करुन आज आपण क्रांती ज्योती सावित्रीबाई फुले यांची जयंती साजरी करत आहोत. असे प्राचार्यांनी सांगितले.प्रमुख पाहुणे म्हणून डॉ. तंवर सर यांनी या कार्यक्रमात मार्गदर्शन केले. यावेळी प्रा डॉ. सी. पी. माने, प्रा. डॉ. सौ. एस.एम. पवार मॅडम व क्रीडा शिक्षक प्रा भोई विनायक उपस्थित होते.
कोमल वाघ-पवार 
