पुसेगाव ; प पु श्री सेवागिरी महाराजांच्या यात्रेनिमित्त झालेल्या राज्यस्तरीय कबड्डी स्पर्धेतील अंतिम सामन्यात पुण्याच्या बाबूराव चांदोरे फाउंडेशन संघाने विजेतेपद पटकावले.
या स्पर्धेत २१ संघांनी सहभाग घेतला . प्रो कबड्डी, खेलो इंडिया तसेच राज्य व राष्ट्रीय पातळीवरील नामवंत खेळाडूंनी या स्पर्धेत सहभाग घेतला. या स्पर्धा यशस्वी करण्यासाठी श्री सेवागिरी स्पोर्ट्स अकॅडमीचे अरुण मदने व आजी - माजी खेळाडू तसेच ग्रामस्थांचे सहकार्य लाभले. स्पर्धेचा बक्षीस समारंभ मठाधिपती सुंदरगिरी महाराज, चेअरमन रणधीर जाधव विश्वस्त डॉ सुरेश जाधव, बाळासाहेब जाधव, संतोष वाघ, सचिन देशमुख, गौरव जाधव, सुसेन जाधव,राजेश देशमुख, अंकुश पाटील,संदीपकाका जाधव,तात्यासाहेब जाधव,बाबू जाधव,वैभव जाधव, बिपीन भोसले आदी मान्यवरांच्या उपस्थितीत पार पडला.
यात्रा स्थळावर झालेल्या राज्यस्तरीय कबड्डी स्पर्धाला क्रीडा प्रेमींची मोठी गर्दी होती. या कबड्डी स्पर्धेत अंतिम सामन्यात बाबूराव चांदोरे फाउंडेशन संघाने ठाणेच्या विठ्ठल क्रीडा मंडळा ला हरवून ५१ हजार रुपयांचे रोख बक्षीस व श्री सेवागिरी चषक पटकावला .उपविजेत्या संघाला चषक व ३१ हजार रुपयांचे रोख बक्षीस मिळाले. तृतीय क्रमांक चेतक स्पोर्ट्स क्लब पुणे संघाला २१ हजार व चषक तर चतुर्थ क्रमांक जॉली स्पोर्ट्स मुंबई संघाला चषक व ११ हजार रुपयांचे रोख बक्षीस मिळाले. या स्पर्धेत बेस्ट रेडर विक्रम जाधव , बेस्ट डिफेंडर सुरेश जाधव , मॅन ऑफ द मॅच आशिष पाडाळे तर बेस्ट प्लेअर चिन्मय गुरव हे खेळाडू पुरस्काराचे मानकरी ठरले.
निसार शिकलगार 
