देशमुखनगर : ‌ पुणे कराड महामार्गावर ठिकठिकाणी लॉजमध्ये देहविक्रीचा व्यवसाय सुरू आहे. सातारा परिसरात महामार्गावरील व्यावसाय विस्तारित होऊन लगतच्या ग्रामीण भागात सुरू झाला आहे.
       सातारा परिसरातील महामार्गावर लॉजची संख्या अलीकडच्या काळात बरीच वाढली आहे, यातील बहुतांश लॉजवर खुलेआम देहव्यापार केला जात असून तरुण-तरुणींना शरीर संबंधासाठी सहज रूम उपलब्ध करून दिल्या जातात. यात शाळा, महाविद्यालयीन तरुण, तरुणीचा समावेश आहे.
    कायद्यानुसार धार्मिक स्थळे, शैक्षणिक संस्था, वस्तीग्रह, रुग्णालय आदी सार्वजनिक ठिकाणापासून 200 मीटर परिसरामधील लॉज मध्ये देहविक्री व्यवसाय करता येत नाही, या भागातील महामार्गालगत असलेल्या लॉजिंग मध्ये देहविक्रीचा व्यवसाय सुरू असून आजूबाजूच्या भागात असलेल्या वसाहतीतील नागरिकांच्या दैनंदिन जीवनावर याचा परिणाम होत आहे. काही लॉजच्या दोनशे मीटरच्या आत शैक्षणिक संस्था, वस्तीग्रह आहेत त्यामुळे वस्तीमध्ये असलेल्या लॉजवर अवैध व्यवसाय करणे बेकायदेशीर आहे. त्यामुळे वादग्रस्त लॉजवर कारवाई करून लॉज कायमस्वरूपी बंद करण्यात यावी अशी मागणी जनतेतून होत आहे.
     महामार्गावर सुरू असलेल्या या अवैधच्या व्यवसायाला चाप बसावा म्हणून पोलीस प्रशासन ठोस पावले उचलत नाहीत, त्यामुळेच महामार्गालगत त्यांचे देव फुटले आहे. स्थानिक पोलीस प्रशासन फक्त बघायची भूमिका घेत असल्याने हा लाजचा व्यवसाय वाढू लागला आहे. त्यावर नियंत्रण मिळवण्यासाठी पोलीस प्रशासनाने कारवाईची विशेष मोहीम राबविणे गरजेचे असल्याचे बोलले जात आहे. तसेच या महामार्गावरील लॉजमध्ये सुरू असलेल्या अवैध व्यवसायावर लक्ष ठेवून कारवाई करण्याची मागणी जागरूक नागरिक करीत आहेत.