सातारा : रानगेघर ता. जावळी येथे जगदंब युवा प्रतिष्ठान व ग्रामस्थ मंडळ रानगेघर यांच्या नियोजनबद्ध पद्धतीने  सालाबाद प्रमाणे याही वर्षी शिवजयंती उत्साहात साजरा करण्यात आली. गेली १२ वर्षे हा उत्सव साजरा करण्यात येतो. विशेष करून एक दोन वर्षांपासूनच्या कोरोना महामारी नंतर या वर्षी उत्स्फूर्तपणे  शिवजयंती साजरी करण्यात आली.
किल्ले श्री प्रतापगड ते रानगेघर अशी शिवज्योत पायदळी पळवत सकाळी 10.00 वाजता आनण्यात आली. त्यानंतर सायंकाळी सात वाजता शिवज्योत व छत्रपतींची मिरवणूक ढोल ताशाच्या गजरात,  पारंपारिक पद्धतीने ढोल लेझीम,  तसेच जि.प.शाळा विद्यार्थांच्या झांज पथकाने सादरीकरण करत उत्साहात पार पडली.रात्री साडेनऊ नंतर सांस्कृतिक कलागुनाणा प्रोत्साहन देण्यासाठी साठी  कार्यक्रमाचे आयोजन करण्यात आले होते.ग्रामपंचायत रानगेघर सरपंच तसेच माजी सैनिक यांच्या हस्ते  महाराजांच्या पुतळ्यास पुष्पहार अर्पण करून सांस्कृतीक कार्यक्रमाची सुरुवात झाली.  श्री छत्रपती शिवाजी महाराज यांना  अभिवादन करण्यात आले. लहान मुलं, तसेच तरुण वर्गाने यांत सहभाग घेऊन कार्यक्रमाला शोभा वाढवली.कार्यक्रमासाठी ग्रामस्थ मंडळ, महिला, मुंबईकर तरुण मित्रमंडळ मोठ्या संख्येने उपस्थित  होते.