पाटणच्या युवकानं फेसबुकवर मैत्री झालेल्या सांगलीच्या डॉक्टर महिलेचा अश्लील फोटो ‘व्हायरल’ करण्याची धमकी देत केली ३ कोटी मागणी
Satara News Team
- Sun 10th Dec 2023 06:53 pm
- बातमी शेयर करा
![](https://esataranews.com/upload/post/65d16b16d2.jpg)
पाटण : सोशल मीडियातील फेसबुकच्या माध्यमातून अनोळखी युवकांसोबत ओळख झाल्यास त्याच्याकडून फसवणूक होण्याच्याही घटना आपण ऐकल्या असतील. अशीच घटना सांगलीच्या एका डॉक्टर महिलेसोबत घडली आहे. फेसबुकवर ओळख झालेल्या डॉक्टर महिलेचा गैरफायदा घेत तिच्यावर अत्याचार केल्याचा प्रकार उघडकीस आला आहे. संशयिताकडे पीडितेने उसने पैसे परत मागताच तिचा ‘मॉर्फ’ केलेला अश्लील फोटो ‘व्हायरल’ करण्याची धमकी देत ३ कोटी रुपयांची खंडणी मागितल्याप्रकरणी सातारा जिल्ह्यातील पाटण येथील राहणाऱ्या एका युवकास सांगली पोलिसांनी अटक केली आहे.
हर्षवर्धन अंकुश कुंभार (रा. पाटण, जि. सातारा) असे सांगली शहर पोलिसांनी अटक केलेल्या युवकाचे नाव आहे. सध्या तो पोलिस कोठडीत आहे. याबाबत अधिक माहिती अशी की, पीडित महिला सांगलीतील डॉक्टर असून २०२१ मध्ये तिची फेसबुकच्या माध्यमातून संशयित हर्षवर्धन याच्याशी ओळख झाली. फेसबुकवर ओळखीचे रूपांतर पुढे मैत्रीत झाले. त्यानंतर मैत्रीच्या नात्यातून त्या दोघांच्यात संवाद होऊ लागला. पुढे काही दिवसानंतर दोघांची चांगली ओळख होती. आणि ओळखीतूनच हर्षवर्धन याने आपली आर्थिक अडचण सांगून पीडित डॉकटर महिलेकडून ५० हजार रुपये उसने घेतले. त्यानंतर तिला फिरायला जायचे असल्याचे खोटे सांगून कोल्हापूर जिल्ह्यातील एका ठिकाणी नेले.
त्या ठिकाणी नेऊन तिथे तिच्यावर त्याने लैंगिक अत्याचार केले. या प्रकारानंतर पीडितेने त्याच्याकडे उसने घेतलेल्या पैशाची मागणी केली. तेव्हा हर्षवर्धन याने ‘मॉर्फ’ केलेला अश्लील फोटो तिच्या व्हॉटस ॲपवर टाकला. आणि हा फोटो व्हायरल करण्याची धमकी दिली. तसेच ३ कोटी रुपयांच्या खंडणीची मागणी केली. पीडितेने पैसे देण्यास नकार दिल्यानंतर ती काम करत असलेल्या ठिकाणी येऊन त्याने तिला मारहाण केली. धमकी देत तिला गाडीतून निर्जनस्थळी नेत तिच्यावर पुन्हा लैंगिक अत्याचार केले.
तिच्या मुलाला जिवंत ठेवणार नाही, अशी धमकीही दिली. या प्रकारानंतर घाबरलेल्या पीडितेने सांगली शहर पोलिस ठाण्यात धाव घेतली. पोलिसांनी तिची फिर्याद नोंदवून घेत हर्षवर्धन याच्यावर बलात्कार आणि खंडणीचा तसेच आयटी ॲक्टनुसार गुन्हा दाखल केला. गुरुवारी हर्षवर्धनला अटक केली. शुक्रवारी न्यायालयासमोर हजर केले असता त्याची पोलिस कोठडीत रवानगी करण्यात आली.
स्थानिक बातम्या
निढळची शाळा देशात रोल मॉडेल ठरेल! खा. शरद पवार
- Sun 10th Dec 2023 06:53 pm
कास पठारावरील फुलांचा हंगाम आजपासून सुरू ....उपवनसंरक्षक अदिती भारद्वाज यांच्या हस्ते उद्घाटन
- Sun 10th Dec 2023 06:53 pm
व्यापाऱ्यांनी निवेदन दिल्यानंतर राजपथ मार्गावर वाद्ये वाजवण्यावर बंदी, गणेश मंडळे आक्रमक
- Sun 10th Dec 2023 06:53 pm
विजयकुमार किसन भुजबळ यांना राज्यस्तरीय गुणवंत शिक्षक गुरु गौरव शिक्षक रत्न पुरस्कार जाहीर
- Sun 10th Dec 2023 06:53 pm
कर्ज प्रकरणी खोटे आश्वासन देऊन शुभम हाउसिंग फायनान्स कंपनीकडून कर्जदारांची मोठ्या प्रमाणात लूट...
- Sun 10th Dec 2023 06:53 pm
पोलिसावर पत्नीची तक्रार.अदखलपात्र गुन्हा दाखल
- Sun 10th Dec 2023 06:53 pm
संबंधित बातम्या
-
लाडकी बहीण योजनेला गालबोट लावणाऱ्या दांपत्यास ६ सप्टेंबरपर्यंत पोलिस कोठडी
- Sun 10th Dec 2023 06:53 pm
-
लाडकी बहीण’ योजनेचा गैरफायदा घेणाऱ्या वडूज मधील दाम्पत्य वडूज पोलिसांच्या ताब्यात
- Sun 10th Dec 2023 06:53 pm
-
पुसेसावळी हत्याकांडातील फरारी आरोपी नितीन विर च्या स्थानिक गुन्हे शाखेने आवळल्या मुसक्या...
- Sun 10th Dec 2023 06:53 pm
-
पोलिसावर पत्नीची तक्रार.अदखलपात्र गुन्हा दाखल
- Sun 10th Dec 2023 06:53 pm
-
चितळी येथील अल्पवयीन मुलींची छेडछाड करणारे तिन इसमांना वडूज पोलीसांनी केली अटक.
- Sun 10th Dec 2023 06:53 pm
-
गोदवले खुर्द येथील सावकारकीच्या त्रासातून आत्महत्या करण्यास प्रवृत्त करणाऱ्या दोन फरार आरोपींना अटक
- Sun 10th Dec 2023 06:53 pm
-
शिंगणापूर नातेपुते घाटातील अपघात करून पळालेला आरोपीला पकडले.
- Sun 10th Dec 2023 06:53 pm