देशमुखनगर : नागठाणे येथील छ.शिवाजी महाराज मैदानावर आज बोरगाव पोलीस ठाणे व नागठाणे भाग पञकार संघ या दोन संघांमध्ये क्रिकेट सामना आयोजित करण्यात आला होता. पोलीस संघाचे कर्णधार स.पो.नि.रविंद्र तेलतुंबडे व पत्रकार संघाचे कर्णधार धनाजी कणसे यांंनी हस्तादोलन केल्यानंतर नाणेफेक करण्यात आली. यामध्ये  पत्रकार संघाने नाणेफेक जिंकल्याने प्रथम फलंदाजी करण्याचा निर्णय घेतला. सतीश जाधव 

   प्रथम फलंदाजी करताना पत्रकार संघाने १ विकेट गमावुन ४ षटकात ६६ धावा जमविल्या. त्यानंतर अतितटीची फलंदाजी करत पोलीस स्टेशन संघाला ७ विकेट गमावत फक्त २५ धावा जमविल्या. एकंदर तुफान फलंदाजी व अचुक गोलंदाजीच्या जोरावर व कॅच विन मॅच या तत्वावर पत्रकार संघाने पोलीस संघावर ४१ रन्सने दणदणीत विजय मिळवला. 

     पत्रकार संघाकडून अध्यक्ष धनाजी कणसे, मा. उपाध्यक्ष दत्ताजी घाडगे ,विकास जाधव प्रताप भोसले, राहूल गायकवाड , अविनाश कारंडे ,सतिश जाधव , नितीन साळुंखे ,विजय घोरपडे यांनी योगदान दिले. तर पां प पवार यांनी प्रोत्साहन दिले