सातारा : साताऱ्यात विभागीय परिक्षेत्रीय पोलीस क्रीडा स्पर्धेचा थरार रंगणार आहे.. 12 ते 17 ऑक्टोबर या दरम्यान या स्पर्धा आयोजन करण्यात आल्या आहे..यासाठी 6 जिल्ह्यातील तब्बल बाराशे महिला-पुरुष पोलीस स्पर्धक सहभागी होणार आहेत..
5 वर्षानंतर यावर्षी साताऱ्याला हा मान मिळाला असून याची जोरदार तयारी करण्यात येत आहे.. विविध क्रीडा प्रकारासाठी सातारा पोलिसांच्या वतीने पोलीस कवायत मैदान सज्ज करण्यात आले असून मैदानाची रंगरंगोटी आणि डागडुजीचे काम अंतिम टप्प्यात आले आहे.. या ठिकाणी पुरुष गटाचे 14 क्रीडा प्रकार आणि
महिलांचे 10 क्रीडा प्रकार खेळवण्यात येणार आहेत..ॲथलेटिक्सचे 15 क्रिडा प्रकार असून हे सर्व खेळ पोलीस कवायत मैदान, सौनिक स्कूल आणि शाहू स्टेडियम या ठिकाणी खेळवण्यात येणार आहेत.. 
यामध्ये 6 जिल्ह्यांचा समावेश असून सातारा,कोल्हापूर, सांगली,पुणे ग्रामीण,सोलापूर शहर आणि ग्रामीण पोलिसांचे 6 संघमधून तब्बल 1200 महिला-पुरुष पोलीस एकमेकांसमोर भिडणार असल्याची माहिती उपविभागीय पोलीस अधिकारी विवेक लावंड यांनी दिलीये..