अभिरुचीसंपन्न हिंदी चित्रपट हे संगीत सर्वसमावेशक असतात : प्रा. विनय हर्डीकर
- Satara News Team
- Mon 30th Jan 2023 02:49 pm
- बातमी शेयर करा
सातारा : भारतीय संगीत वैविध्यपूर्ण, लालित्याने आणि शब्दाविष्काराने समृद्ध आहे. हिंदी चित्रपट संगीतात नाट्यसंगीत,भक्तीगीत,भावगीत,कव्वाली,लोकगीते,ख्याल व ठुमरी अशा विविधांगी प्रकारांचा अंतर्भाव आहे. सर्व जाती - धर्माच्या व प्रांताच्या कलाकृतींना सामावून घेणारे हिंदी चित्रपट संगीत खऱ्या अर्थाने सर्वसमावेशक आहे.असे विचार ज्येष्ठ लेखक संपादक विनय हर्डीकर यांनी व्यक्त केले.
येथील दिपलक्ष्मी नागरी सहकारी पतसंस्था व प्रतिक प्रकाशन यांच्या संयुक्त विद्यमाने
चित्रपट अभ्यासक स्वप्नील पोरे लिखित हिंदी चित्रपट संगीतातील १८२ पार्श्वगायकांवरील 'स्वरसागर' या ग्रंथाचे प्रकाशन हर्डीकर यांच्या हस्ते पुणे येथील पत्रकार भवनमध्ये झालेल्या सोहळ्यात मार्गदर्शन करीत होते. यावेळी ज्येष्ठ संगीततज्ज्ञ सुरेश साखवळकर, महाराष्ट्र साहित्य परिषदेचे पुणे शहर प्रतिनिधी शिरीष चिटणीस, प्रकाशक प्रवीण जोशी, समीक्षक विश्वास वसेकर आदी उपस्थित होते.
प्रा. विनय हर्डीकर म्हणाले, "धावपळीच्या जीवनात संगीत हे विसाव्याचे स्थान आहे. भारतीय चित्रपट सृष्टीला संगीत क्षेत्राची मोठी परंपरा आहे. संगीताला वेगळा धर्म चिकटवता येत नाही. अभिरुची संपन्न संगीत निर्मितीमध्ये पार्श्वगायकांसह संगीतकार आणि गीतकार यांचेही योगदान मोलाचे आहे. 'स्वरसागर' ग्रंथाद्वारे पोरे यांनी संगीत क्षेत्राचा कोष निर्माण केला आहे. रसग्रहण करायला लावणारा ग्रंथ असून गानसम्राज्ञी लता मंगेशकर यांच्यासह इतर अनेक पार्श्वगायकांचे महत्वाचे योगदान यानिमित्त नोंदले गेले आहे."
सुरेश साखवळकर म्हणाले, "भारतीय चित्रपट संगीत क्षेत्रात अनेक श्रेष्ठ पार्श्वगायक झालेले आहेत. त्यांची गीते आजही मनावर कोरली गेली आहेत. हा ग्रंथ चाळताना पुन्हा बालपण आणि तरुणपण अनुभवता आले. आठवणींना उजाळा मिळाला. सिने संगीताची लोकप्रियता आहे. तेही उत्तम दर्जाचे संगीत आहे. हे विद्वान किंवा शास्त्रीय संगीत उत्तम असे मानणाऱ्या कलावंतांनी ध्यानात घ्यायला हवे. मराठी भाषेतील गायकांनाही न्याय मिळायला हवा. त्यांच्यावरही पुस्तक निर्माण झाली पाहिजेत."
प्रा. विश्वास वसेकर यांनी 'स्वरसागर' हा ग्रंथ म्हणजे संगीतक्षेत्राचा कोष असून, पोरे यांनी ग्रंथात प्रत्येक पार्श्वगायकाची वाटचाल अतिशय रंजकपणे मांडली असून 'स्वरसागर'च्या निमित्ताने अनेक गायकांच्या गायनप्रवासाचा पट उलगडला असल्याचे सांगितले.
"स्मरणातील गाणी आणि त्यांना साज चढवणारे गायक यांच्या स्मृती पुन्हा नव्याने जागृत करणारा हा ग्रंथ आहे." असे शिरीष चिटणीस यांनी सांगितले. स्वप्नील पोरे यांनी प्रास्ताविकेत ग्रंथनिर्मिती मागील प्रवास उलगडुन सांगितला.कृपाशंकर शर्मा यांनी सूत्रसंचालन केले. संजय ऐलवाड यांनी आभारप्रदर्शन केले.
स्थानिक बातम्या
आकृतीबंधाचा शासन निर्णय दोन वर्षांपूर्वीच निर्गमित होऊनही अंमलबजावणी नाही
- Mon 30th Jan 2023 02:49 pm
गणेशभक्तांचा भावना लक्षात घेऊन रात्री बारानंतर देखील वाद्य वाजवण्यास परवानगी द्यावी
- Mon 30th Jan 2023 02:49 pm
स्थानिक गुन्हे शाखेने 2 देशी बनावटी पिस्टल, 3 जिवंत काडतुसासह 2 लाख 25 हजाराचा मुद्देमाल केला जप्त
- Mon 30th Jan 2023 02:49 pm
सातारा तालुका कबड्डी स्पर्धेचे उद्घाटन पाच वर्षाच्या निविताच्या हस्ते संपन्न...
- Mon 30th Jan 2023 02:49 pm
संबंधित बातम्या
-
कुडाळ बाजारपेठेमध्ये गणरायाच्या आगमनाची चाहूल, उत्सवपूर्व नियोजनांना वेग
- Mon 30th Jan 2023 02:49 pm
-
कुडाळ बाजारपेठेमध्ये गणरायाच्या आगमनाची चाहूल, उत्सवपूर्व नियोजनांना वेग
- Mon 30th Jan 2023 02:49 pm
-
कोयना धरणात व पाटण तालुक्यात पावसाची बॅटिंग सुरू
- Mon 30th Jan 2023 02:49 pm
-
जावळीत पावसाने नदी नाले ओढे तुडुंब
- Mon 30th Jan 2023 02:49 pm
-
मुख्यमंत्री माझी लाडकी बहीण झिरो बॅलन्स् खाती तात्काळ उघडून घेणेची सुविधा
- Mon 30th Jan 2023 02:49 pm
-
केळवलीतील युवकाच्या खूनप्रकरणी सख्ख्या भावांना पोलीस कोठडी
- Mon 30th Jan 2023 02:49 pm
-
धबधब्याचा आनंद घेताना स्वतःच्या जीवाची काळजी घ्या : जितेंद्र डुडी
- Mon 30th Jan 2023 02:49 pm
-
आज पासून बदलणार सीमकार्डसंबंधीचे नियम आणि दर
- Mon 30th Jan 2023 02:49 pm