भुईज : भुईज येथे श्री क्षेत्र नारायणपुरचे विश्वचैतन्य प. पू. नारायण महाराज यांनी कृष्णा नदीकाठी असलेल्या महान ऋषी आचार्य भृगू महाराज यांच्या जिर्णोधारीत मठाच्या व मुर्ती प्रतिष्ठापना झाल्यानंतर दरवर्षी रथसप्तमी दिवशी भव्य दिव्य वर्धापन दिन सोहळा साजरा करण्यात येतो. तीन तपापुर्वी झालेल्या जिर्णोद्धारानंतर प्रतिवर्षी हा उत्सव सोहळा ग्रामस्थ व भावीक मोठ्या उत्साहात साजरा करतात. पहाटे सर्व मंदीरात अभिषेक झाल्यानंतर होमहवन व तदनंतर कृष्णामाईच्या पुजनाचा कार्यक्रम होतो. भृगुऋषींच्या प्रतिमेचे व पादुकांचे पुजन झाल्यानंतर पालखी सोहळयाने ग्रामप्रदक्षिणा होते. यात अग्रभागी गजराज, घोडे, उंट यांच्यासह ढोल ताशे खेळगडी सहभागी होतात.
   या सोहळयात सहभागी होऊन दर्शनाचा लाभ घेण्याचे आवाहन दत्त सेवेकरी मंडळ, आचार्य भूगृऋषी आश्रम सेवेकरी, तिर्थक्षेत्र भुईज युवक सेवेकरी, आण्णांच्या लेकी, ज्ञानेश्वरी पारायण मंडळ व ग्रामस्थ भुईज यांनी केले आहे.