प्रेमासाठी काहीही... चक्क साताऱ्यातील एका कंपनीतील कामगारांचे पीएफचे 15 लाख रुपये प्रियसीच्या खात्यावर टाकले.
- Satara News Team
- Fri 23rd Feb 2024 03:06 pm
- बातमी शेयर करा
सातारा : सातारा शहराजवळील धनगरवाडी कोडोली येथील एका कंपनीच्या पर्यवेक्षकाने कामगाराचे पीएफ आणि एसआयची १५ लाख रुपयांची रक्कम प्रेयसीच्या बॅंक खात्यावर पाठवून फसवणूक केली. याप्रकरणी सातारा शहर पोलिस ठाण्यात दोघांवर गुन्हा दाखल झाल्यानंतर पर्यवेक्षकाला अटक झाली आहे. न्यायालयाने त्याला पोलिस कोठडी सुनावली आहे.
याबाबत पोलिसांनी दिलेली माहिती अशी की, याप्रकरणी सोमनाथ रामचंद्र किर्दत (रा. चिंचणेर निंब, ता. सातारा) यांनी तक्रार दिलेली आहे. या तक्रारीनुसार कंपनी पर्यवेक्षक मंगेश रमेश दुदकर (रा. संगमनगर, सातारा) आणि त्याच्या प्रेयसीविरोधात फसवणुकीचा गुन्हा नोंद झालेला आहे. दि. २ नोव्हेंबर २०२२ पासून १४ जानेवारी २०२४ पर्यंत संबंधित कंपनीत फसवणुकीचा हा प्रकार घडला आहे.
पोलिसांनी सांगितले की, धनगरवाडी (कोडोली) येथील एका कंपनीचे बॅंक खाते होते. यामधील १५ लाख रुपयांची रक्कम ही कंपनी पर्यवेक्षक आणि अकाऊंटचे काम पाहणारा मंगेश दुदकर याने प्रेयसीच्या बॅंक खात्यावर वळती केली. १५ लाखांची ही रक्कम कंपनीतील कामगारांची पीएफ आणि एसआयची होती. त्याने कामगारांच्या खात्यावर रक्कम जमा केली नाही. तसेच ही रक्कम कामगारांच्या खात्यावर आॅनलाईन पाठविल्याच्या खोट्या पावत्याही केल्या होत्या. त्यामुळे मंगेश दुदकर आणि त्याच्या प्रेयसीविरोधात फसवणुकीचा तक्रार देण्यात आली.
सातारा शहर पोलिस ठाण्यात गुन्हा नोंद झाला आहे. याप्रकरणी पोलिसांनी संशयित मंगेश दुदकर याला अटक केली आहे. त्याला पोलिस कोठडी सुनावण्यात आली आहे. याप्रकरणी पोलिस उपनिरीक्षक शिरोळे हे तपास करीत आहेत.
स्थानिक बातम्या
दिवाळी दहा दिवसांवर तरीही फटाके विक्रीची परवानगी नाही.
- Fri 23rd Feb 2024 03:06 pm
शिवथर मध्ये दिवसाढवळ्या बिबट्याचे आगमन
- Fri 23rd Feb 2024 03:06 pm
मुंबईत टोलमाफी; साता-याला का नाही?
- Fri 23rd Feb 2024 03:06 pm
श्रीपतराव पाटील हायस्कूल करंजेपेठ साताराच्या शालेय क्रीडास्पर्धेत यशस्वी भरारी...
- Fri 23rd Feb 2024 03:06 pm
कारखानदारांविरोधात कराड-उत्तर मधून लढवणार निवडणूक: वसिम इनामदार.
- Fri 23rd Feb 2024 03:06 pm
संबंधित बातम्या
-
कुडाळ बाजारपेठेमध्ये गणरायाच्या आगमनाची चाहूल, उत्सवपूर्व नियोजनांना वेग
- Fri 23rd Feb 2024 03:06 pm
-
कुडाळ बाजारपेठेमध्ये गणरायाच्या आगमनाची चाहूल, उत्सवपूर्व नियोजनांना वेग
- Fri 23rd Feb 2024 03:06 pm
-
कोयना धरणात व पाटण तालुक्यात पावसाची बॅटिंग सुरू
- Fri 23rd Feb 2024 03:06 pm
-
जावळीत पावसाने नदी नाले ओढे तुडुंब
- Fri 23rd Feb 2024 03:06 pm
-
मुख्यमंत्री माझी लाडकी बहीण झिरो बॅलन्स् खाती तात्काळ उघडून घेणेची सुविधा
- Fri 23rd Feb 2024 03:06 pm
-
केळवलीतील युवकाच्या खूनप्रकरणी सख्ख्या भावांना पोलीस कोठडी
- Fri 23rd Feb 2024 03:06 pm
-
धबधब्याचा आनंद घेताना स्वतःच्या जीवाची काळजी घ्या : जितेंद्र डुडी
- Fri 23rd Feb 2024 03:06 pm
-
आज पासून बदलणार सीमकार्डसंबंधीचे नियम आणि दर
- Fri 23rd Feb 2024 03:06 pm