पाटण : तालुका राष्ट्रवादी काँग्रेस पक्षाच्या(अजित पवार गट)च्या अध्यक्षपदी मंदुळकोळे (पाटील आवाड)येथील सागर दिलीप पाटील यांची निवड करण्यात आली.
  सातारा येथे अजित पवार गटाच्या झालेल्या कार्यक्रमात सातारा जिल्हाध्यक्ष संजीवराजे नाईकनिंबाळकर,यांचे हस्ते नियुक्ती पत्र देण्यात आले.
  यावेळी सातारा जिल्हा मध्यवर्ती बँकेचे अध्यक्ष नितीन पाटील, राष्ट्रवादीचे जिल्हा सरचिटणीस श्रीनिवास शिंदे,कार्याध्यक्ष अमित कदम,माजी शिक्षण सभापती संजय देसाई, प्रदिप विधाते,दत्तानाना ढमाळ आदी उपस्थित होते.या निवडीबद्दल सागर पाटील यांची पदाधिकाऱ्यांनी सत्कार केला.
  यावेळी बोलताना सागर पाटील म्हणाले  पाटण तालुक्यात राष्ट्रवादी काँग्रेस पक्ष अजित पवार गटाच्या अध्यक्षपदी माजी निवड करण्यात आली पक्ष नेतृत्वाने माझ्यावर टाकलेली जबाबदारी व टाकलेल्या विश्वासास पात्र राहून तालुक्यात पक्ष संघटन वाढीसाठी प्रयत्न करणार आहे.जुन्या आणि नवीन कार्यकर्तांना बरोबर घेवून पक्षाच्या आदेशानुसार काम करणार असल्याचे म्हणाले.
  फोटो ओळी...अजित पवार गटाच्या राष्ट्रवादी काँग्रेस पक्षाच्या पाटण तालुकाध्यक्षपदी सागर पाटील यांची निवड करण्यात आली यावेळी त्यांना नियुक्तीपत्र देताना जिल्हाध्यक्ष संजीवराजे नाईकनिंबाळकर व इतर.