पुसेगाव येथे चंद्रकांत दळवी यांची विशेष मुलाखत व विद्यार्थी संवाद मार्गदर्शन
निसार शिकलगार
- Sat 21st Jan 2023 12:58 pm
- बातमी शेयर करा
![](https://esataranews.com/upload/post/65346b4011.jpeg)
पुसेगाव : खटाव तालुक्याचे सुपुत्र निढळ गावचे रहिवासी माजी आयुक्त श्री चंद्रकांत दळवी यांनी आपल्या आयुक्त पदाच्या कारकिर्दीमध्ये महाराष्ट्राच्याच नव्हे तर देशाच्या प्रशासनात नाविन्यपूर्ण योजनांच्या माध्यमातून व आपल्या प्रयोगशील कर्तृत्वाने ठसा उमटविला असे खटाव तालुक्याचे सुपुत्र व पुणे विभागाचे माजी आयुक्त श्री. चंद्रकांत दळवी यांची स्पर्धा परीक्षा, राज्यसेवा परीक्षेच्या अभ्यासक्रमात झालेले बदल या विषयांवर मुलाखत आणि विद्यार्थी संवाद मार्गदर्शन सत्र सोमवार दि. 23 जानेवारी 2023 रोजी सकाळी 9. 30 वा. पुसेगाव येथे होणार असून पत्रकार आपल्या अभ्यासपूर्ण शैलीत प्रश्न करून मा. दळवी साहेब प्रश्नांची उत्तरे देणार आहेत.
चंद्रकांत दळवी हे सन 1983 मध्ये राज्यसेवेच्या माध्यमातून प्रशासकीय सेवेस सुरुवात केली. बुध्दीमतेच्या जोरावर सन 1995 मध्ये ते आय. ए. एस झाले. प्रशासनात एकूण 35 वर्षे सेवा केली. ग्रामीण भागातील विद्यार्थ्यांनी स्पर्धा परीक्षेला कशा पद्धतीने सामोरे जावे याची माहिती मिळावी. या पार्श्वभूमीवर पुसेगाव येथील सेवागिरी कार्यालयात या विशेष मुलाखत व विद्यार्थी संवाद सत्राचे आयोजन पुसेगाव पत्रकार संघाच्या वतीने करण्यात आले आहे.
सर्वसामान्य जनतेला केंद्रस्थानी ठेवून सरकारी योजना कल्पकतेने राबविणारे अधिकारी म्हणून चंद्रकांत दळवी यांची महाराष्ट्रासह संपूर्ण देशाला ओळख आहे. त्यांनी प्रशासकीय सेवेत रुजू झाल्यापासून ‘संत गाडगे बाबा ग्रामस्वच्छता अभियान, निर्मलग्राम, तंटामुक्ती अभियान, झिरो पेंडन्सी, डेली डिस्पोजल यासारखे विविध उपक्रम राबवून प्रशासनात गतिमानता आणली. जमाबंदी आयुक्त म्हणून कार्यरत असताना त्यांनी सात बारा, जमिनींची ई - मोजणी, नकाशे याबाबत अनेक नाविन्यूपर्ण निर्णय घेतले. सातबारा ऑनलाईन करण्याचा निर्णयही त्यांनीच घेतला. याचा फायदा राज्यातील शेतकऱ्यांना झाला. सहकार आयुक्त, पुणे विभागाचे आयुक्त म्हणून कार्यरत असताना प्रयोगशाली उपक्रम राबवून लोकाभिमुख काम केले. पुणे जिल्हाधिकारी असताना त्यांच्या संकल्पनेतून साकारलेल्या ‘झिरो पेंडन्सी’ डेली डिस्पोजल, या उपक्रमाची राज्य शासनाने दखल घेत त्यांना "उत्कृष्ट जिल्हाधिकारी" पुरस्कार दिला. प्रशासनात काम करीत असताना त्यांनी आपल्या पदाला न्याय दिला. याशिवाय त्यांनी त्यांच्या निढळ गावचा पूर्ण कायापालट केला. जलसंधारण, कृषी, ग्रामविकास, दुग्ध विकास, गावक-यांची आर्थिक उन्नती, शिक्षण अशी चौफेर प्रगती त्यांनी निढळमध्ये केली आहे. त्यामुळेच राज्यातील मोजक्या आदर्श गावांमध्ये निढळचाही उल्लेख होतो.
स्पर्धा परीक्षा, महाराष्ट्र लोकसेवा आयोगातर्फे (एमपीएससी) घेतल्या जाणाऱ्या राज्यसेवा परीक्षेच्या परीक्षा पद्धतीत आणि अभ्यासक्रमामध्ये महत्त्वपूर्ण बदल करण्यात आला आहे. या परीक्षेस विद्यार्थ्यांनी कशा पद्धतीने सामोरे जावे, यासाठी चंद्रकांत दळवी यांचेकडून विशेष मार्गदर्शन केले जाणार आहे. तसेच ते विद्यार्थ्यांशी संवाद साधणार आहेत. तरी या संधीचा विद्यार्थी, शिक्षक व पालकांनी लाभ घ्यावा असे आवाहन पुसेगाव पत्रकार संघाचे
पदाधिकाऱ्यांनी केले आहे.
विद्यार्थ्यांसाठी दिशादर्शक ठरणारी प्रेरणादायी मुलाखत
चंद्रकांत दळवी यांच्या प्रशासकीय कारकिर्दीमध्ये अनेक मुलाखती झाल्या आहेत. मात्र त्यांच्या मायभूमीमध्ये प्रथमच स्पर्धा परीक्षा, राज्यसेवा परीक्षेच्या अभ्यासक्रमात झालेले बदल या विषयावर मुलाखत होत आहे. त्यामुळे या विशेष मुलाखतीकडे खटावसह सातारा जिल्ह्याचे लक्ष असणार आहे. ही मुलाखत विद्यार्थी, शिक्षक, स्पर्धा परीक्षांची तयारी करणाऱ्या युवक व युवतींसाठी दिशादर्शक ठरणारी प्रेरणादायी मुलाखत असणार आहे.
स्थानिक बातम्या
निढळची शाळा देशात रोल मॉडेल ठरेल! खा. शरद पवार
- Sat 21st Jan 2023 12:58 pm
कास पठारावरील फुलांचा हंगाम आजपासून सुरू ....उपवनसंरक्षक अदिती भारद्वाज यांच्या हस्ते उद्घाटन
- Sat 21st Jan 2023 12:58 pm
व्यापाऱ्यांनी निवेदन दिल्यानंतर राजपथ मार्गावर वाद्ये वाजवण्यावर बंदी, गणेश मंडळे आक्रमक
- Sat 21st Jan 2023 12:58 pm
विजयकुमार किसन भुजबळ यांना राज्यस्तरीय गुणवंत शिक्षक गुरु गौरव शिक्षक रत्न पुरस्कार जाहीर
- Sat 21st Jan 2023 12:58 pm
कर्ज प्रकरणी खोटे आश्वासन देऊन शुभम हाउसिंग फायनान्स कंपनीकडून कर्जदारांची मोठ्या प्रमाणात लूट...
- Sat 21st Jan 2023 12:58 pm
पोलिसावर पत्नीची तक्रार.अदखलपात्र गुन्हा दाखल
- Sat 21st Jan 2023 12:58 pm
संबंधित बातम्या
-
कुडाळ बाजारपेठेमध्ये गणरायाच्या आगमनाची चाहूल, उत्सवपूर्व नियोजनांना वेग
- Sat 21st Jan 2023 12:58 pm
-
कुडाळ बाजारपेठेमध्ये गणरायाच्या आगमनाची चाहूल, उत्सवपूर्व नियोजनांना वेग
- Sat 21st Jan 2023 12:58 pm
-
कोयना धरणात व पाटण तालुक्यात पावसाची बॅटिंग सुरू
- Sat 21st Jan 2023 12:58 pm
-
जावळीत पावसाने नदी नाले ओढे तुडुंब
- Sat 21st Jan 2023 12:58 pm
-
मुख्यमंत्री माझी लाडकी बहीण झिरो बॅलन्स् खाती तात्काळ उघडून घेणेची सुविधा
- Sat 21st Jan 2023 12:58 pm
-
केळवलीतील युवकाच्या खूनप्रकरणी सख्ख्या भावांना पोलीस कोठडी
- Sat 21st Jan 2023 12:58 pm
-
धबधब्याचा आनंद घेताना स्वतःच्या जीवाची काळजी घ्या : जितेंद्र डुडी
- Sat 21st Jan 2023 12:58 pm
-
आज पासून बदलणार सीमकार्डसंबंधीचे नियम आणि दर
- Sat 21st Jan 2023 12:58 pm