सातारा : बंधुत्व प्रतिष्ठानतर्फे सन-२०२३ चे पुरस्कार जाहीर झाले आहेत.विविध क्षेत्रात अतुलनीय कार्य करणाऱ्या महनीय व्यक्तींची निवड करण्यात आली आहे.त्यांना ठिकठिकाणी मान्यवरांच्या प्रमुख उपस्थितीत वितरीत करण्यात येणार आहे.
           सन १९९१ पासुन दरवर्षी एका व्यक्तीस/संस्थेस बंधुत्व पुरस्कार दिला जातो.यावर्षी, लोकमंगल ग्रुप शिक्षण संस्थेचे संस्थापक - अध्यक्ष शिरीष चिटणीस यांना जाहीर झाला आहे. याशिवाय, बंधुत्व पत्रकाररत्न - ज्येष्ट पत्रकार जितेंद्र जगताप, बंधुत्व ज्ञानजोती पुरस्कार - ज्येष्ट सामाजिक कार्यकर्त्या द्राक्षा खंडकर,बंधुत्व साहित्यिक कलारत्न - कवी सौ. शिल्पाताई चिटणीस,बंधुत्व आदर्श गायिका तथा माता पुरस्कार - सौ.कल्पनाताई कांबळे,बंधुत्व जीवन गौरवपुरस्कार - संबोधी प्रतिष्ठानचे माजी अध्यक्ष प्राचार्य अण्णासाहेब होवाळे,धम्म प्रचार प्रसार पुरस्कार - जावली तालुका भारतीय बौद्ध महासभेचे अध्यक्ष तात्या गाडे व सचिव भीमराव परिहार यांचा समावेश आहे.अशी माहिती संस्थापक अनिल वीर यांनी दिली.