वाळू चोरट्यांनी पळशी परिसरात धुमाकूळ घातल्यामुळे महसूल प्रशासनाचे लाखो रुपयांचे नुकसान होत असताना दिसत आहे.तरीदेखील महसूल विभाग या बाबीकडे कानाडोळा का करत आहे, हा संशोधनाचा विषय आहे. मागील काही दिवसांपूर्वी एस पी साहेबांच्या पथकाने मोठी कारवाई केली होती.
माण : माण तालुक्यात काही दिवसापूर्वी वाळू चोरीला आळा बसला होता. मात्र मौज पळशी हद्दीतील वाळू चोर पुन्हा एकदा जोमात आले असून चुप्या पद्धतीने वाळू उपसा करत आहेत. वाळू माफिया तसेच खडी क्रेशर धारकांच्या मनात धडकी भरवणाऱ्या कारवाई करून रिचर्ड यानथन यांनी ठसा उमटवला होता. मात्र पुन्हा एकदा वाळू चोरीचा मुद्दा चव्हाट्यावर आल्याचे चित्र दिसत आहे. माण तालुक्यातील पळशी हद्दीत माणगंगा नदी पात्रातून अवैधरित्या वाळूचा बेसुमार उपसा करून डंपर,ट्रॅक्टरद्वारे बिनबोभाट वाहतूक केली जात आहे. वाळू चोरीला लगाम लावायला प्रशासनाला अपयश येत असल्याचे चित्र पाहावयास मिळत आहे. महसूल प्रशासनाने वाळू ठेका काही दिवसापूर्वी बंद केला असूनसुद्धा वाळू चोरांचा धंदा मात्र जोरात चालू आहे. पुन्हा त्याच पद्धतीची कारवाई होणार का ? एस पीचे पथक पुन्हा माणमध्ये येणार का ? याकडे पळशी परिसरातील सर्वसामान्यांचे लक्ष लागून राहिले आहे.
एकनाथ वाघमोडे
