सातारा  : शहापूर ता. सातारा गावच्या हद्दीतील मेन डी.पी वायर तुटली. ती दुरूस्त करण्याचे काम वायरमन करत होता. यावेळी विद्युत पुरवठा खंडीत करण्यात आला होता. यांचा राग मनात धरून याच गावातील राज मनोहर देवकर याने वायमनला मारहाण केल्याने त्याच्या विरूद्ध तालुका पोलीस ठाण्यात शासकीय कामात अडथळा आणल्याप्रकरणी गुन्हा दाखल केला आहे.  
पोलिसांनी दिलेली माहिती अशी, शहापूर गावातील मेन डी.पी ची वायर शुक्रवारी तुटली. ती दुरूस्त करण्यासाठी महावितरण चा वायमन सागर कुंडलिक गेला होता. वायर दुरूस्त करताना वीज पुरवठा काही वेळासाठी खंडीत करण्यात आला. यामुळे गावातील सर्वच लाईट बंद झाला. याचा राग मनात धरून याच गावातील राज मनोहर देवकर हा सागरच्या अंगावर धावून गेला. त्यांची कॉलर पकडून छातीत बुक्की मारून, कानाखाली मारली. शिवीगाळ करत सागरला दमदाटीही केली. तुला काय करायचे ते कर म्हणत शासकीय कामात अडथळा आणला. यामुळे राज याच्याविरूद्ध तालुका पोलीस ठाण्यात गुन्हा दाखल झाला. अधिक तपास पोलीस उपनिरीक्षक दळवी करत आहेत