उंब्रज : कराड तालुक्यातील उंब्रज येथील एका महाविद्यालयात मंगळवारी धक्कादायक प्रकार उघडीस आला आहे. चक्क शिक्षकानेच विद्यार्थिनीला अश्लील मेसेज व गैरवर्तन केल्याचा प्रकार घडला आहे.
या प्रकारामुळे उंब्रज परिसरात संतापाची लाट उसळली असून संबंधित शिक्षकावर कठोर कारवाई करण्याची मागणी नागरिकांमधून जोर धरू लागली आहे. घाबरलेल्या मुलीने संपूर्ण प्रकार तिच्या घरातील पालकांना सांगितल्यानंतर पालकांनी तात्काळ पोलीस स्टेशनला धाव घेत संबंधित संबंधित शिक्षकाविरोधात गुन्हा दाखल केला आहे. सदर घटनेचा तपास पोलीस उपनिरीक्षक रमेश ठाणेकर करत आहेत.
दरम्यान, महाविद्यालयासारख्या पवित्र ठिकाणी अशा घटना घडणे गंभीर बाब आहे, त्यामुळे विद्यार्थ्यांच्या सुरक्षिततेचा प्रश्न पुन्हा ऐरणीवर आलेला आहे.
कुलदीप मोहिते
