सातारा : सातारा नगरपालिका हद्दीत कचरा वाहतूक करणाऱ्या घंटागाडी चालकांची फरफट काही केल्या थांबत नसताना दिसत आहे. घंटागाडी चालकांचा ईपीएफ व पगार रखडल्याने घंटागाडी चालकांनी कामबंद केल्याने घंटागाडीची चाके थांबली आहेत. घंटागाडी चालकांच्या मानसिकतेशी खेळणाऱ्या ठेकेदारावर कारवाई करण्याची मागणी यावेळी घंटागाडी चालकांनी केली आहे. 
    घंटा गाडी चालकांना वेळेत पगार दिला जात नसून त्यांना कुटुंबाचा उदरनिर्वाह करणे अवघड बनत आहे. ठेकेदाराकडून या घंटागाडी चालकांचा पगार खडवल्याच्या घटना या आधी झाल्या आहेत. त्यामुळे या घंटागाडी चालकांवर कामबंद आंदोलनाची वेळ येत आहे. त्यामुळे घंटागाडी चालकांच्या मानसिकतेशी खेळणाऱ्या ठेकेदारावर कारवाई करावी व रखडलेला पगार व पीएफ तात्काळ द्यावा, अशी मागणी करण्यात आली आहे.