सातारा : सातारा स्थानिक गुन्हे शाखेने अवैध अग्निशस्त्रे बाळगणाऱ्या, विक्री करणाऱ्या आणि निर्मिती करणाऱ्यांविरोधात सुरू असलेल्या मोहिमेअंतर्गत एक महत्त्वपूर्ण कारवाई केली आहे. पोलीस अधीक्षक श्री. तुषार दोशी आणि अपर पोलीस अधीक्षक डॉ. वैशाली कडुकर यांच्या मार्गदर्शनाखाली, पोलीस निरीक्षक अरुण देवकर यांच्या नेतृत्वाखालील पथकाने वाढे फाटा येथे पिस्तूल विक्रीसाठी आलेल्या दोन पोलीस अभिलेखावरील आरोपींना रंगेहाथ पकडले.

 मिळालेल्या माहितीनुसार, १५ जुलै २०२५ रोजी पोलीस निरीक्षक अरुण देवकर यांना गोपनीय बातमीदाराकडून माहिती मिळाली की, ओम बापूराव महानवर (रा. साखरवाडी, ता. फलटण) आणि श्रीय उर्फ मॉन्टी शरद खताळ (रा. कापडगाव, ता. फलटण) हे सातारा शहरातील वाढे फाटा येथे देशी बनावटीचे पिस्तूल विकण्यासाठी येणार आहेत. या माहितीच्या आधारे, पोलीस उपनिरीक्षक विश्वास शिंगाडे यांच्या नेतृत्वाखालील पथकाने तात्काळ सापळा रचला. पथकाने वाढे फाटा परिसरात मिळालेल्या माहितीनुसार, संशयित आरोपींना त्यांच्या एका साथीदारासह ताब्यात घेतले. त्यांच्या ताब्यातून १ देशी बनावटीचे पिस्तूल, १ जिवंत काडतूस, १ बजाज पल्सर मोटार सायकल आणि ३ मोबाईल हँडसेट असा एकूण १,८०, २००/- रुपये किमतीचा मुद्देमाल जप्त करण्यात आला. या आरोपींविरुद्ध सातारा तालुका पोलीस ठाण्यात गु.र.नं. २५८/२०२५ भारतीय शस्त्र अधिनियम कलम ३, ७, २५ अन्वये गुन्हा दाखल करण्यात आला आहे.

 या यशस्वी कारवाईमध्ये पोलीस निरीक्षक अरुण देवकर, सहायक पोलीस निरीक्षक रोहित फार्णे, पोलीस उपनिरीक्षक विश्वास शिंगाडे, परितोष दातीर यांच्यासह पोलीस अंमलदार अतिश घाडगे, संतोष सपकाळ, विजय कांबळे, संजय शिर्के, शरद बेबले, साबीर मुल्ला, सचिन साळुंखे, मंगेश महाडीक, लक्ष्मण जगधने, प्रविण फडतरे, प्रविण कांबळे, सनी आवटे, अमोल माने, अजित कर्णे, मुनीर मुल्ला, अमित माने, राजू कांबळे, अरुण पाटील, मनोज जाधव, शिवाजी भिसे, राकेश खांडके, अमित झेंडे, अजय जाधव, प्रविण पवार, धीरज महाडीक, रवि वर्णेकर, वैभव सावंत, स्वप्नील दौंड आणि संकेत निकम यांनी सक्रिय सहभाग घेतला. या कारवाईत सहभागी अधिकारी आणि कर्मचाऱ्यांचे पोलीस अधीक्षक श्री. तुषार दोशी आणि अपर पोलीस अधीक्षक डॉ. वैशाली कडुकर यांनी अभिनंदन केले आहे.