मलवडी : दहिवडी शहरातील बंदिस्त कॅफेमध्ये अश्लिलतेला वाव मिळत असल्याचा आरोप करतानाच सदर कॅफेचे परवाने रद्द करण्याची मागणी स्वाभिमानी शेतकरी संघटनेचे तालुकाध्यक्ष राजू मुळीक यांनी दहिवडी नगरपंचायत मुख्याधिकारी यांच्याकडे केली आहे.
त्यांनी मुख्याधिकाऱ्यांना दिलेल्या निवेदनात म्हटले आहे की, दहिवडी शहरात असणाऱ्या बंदिस्त कॅफेत शाळा व कॉलेजचे युवक युवती येत असतात.परंतु या कॅफेमध्ये अश्लील चाळे होत असल्याच्या चर्चा संपूर्ण दहिवडीत रंगत आहेत.त्यामुळे कॅफे चालकांना नक्की कॅफे चालवण्याचा परवाना मिळतो की अश्लील चाळयांसाठी मिळतो?असा सवाल उपस्थित केला.यावेळी त्यांनी या कॅफेचे परवाने रद्द करण्याची मागणी मुख्याधिकारी यांच्याकडे निवेदनाद्वारे तसेच दहिवडी पोलीस स्टेशनकडे पत्राद्वारे केली आहे.
एकनाथ वाघमोडे
