लाडकी बहीण’ योजनेचा गैरफायदा घेणाऱ्या वडूज मधील दाम्पत्य वडूज पोलिसांच्या ताब्यात
- Satara News Team
- Wed 4th Sep 2024 10:50 am
- बातमी शेयर करा
वडूज : लाडकी बहीण या योजनेमध्ये गैरकारभार झाल्याची तक्रार पनवेलमधील भाजपचे माजी नगरसेवक नीलेश बाविस्कर यांनी २ सप्टेंबर रोजी पनवेल तहसीलदारांकडे केली होती. खारघरमधील एका महिलेचे आधार कार्ड वापरून साताऱ्यात ३० अर्ज भरले असून, यातील काही खात्यांमध्ये पैसेही जमा झाल्याचे त्यांनी निदर्शनास आणून दिले. जिल्हा प्रशासनाने तातडीने समिती नेमून या प्रकरणाचा छडा लावला.
निमसोड येथील बारावी शिक्षण घेतलेला गणेश घाडगे हा भिवंडी येथे सुरक्षारक्षक म्हणून कार्यरत आहे. त्याची पत्नी प्रतीक्षा घाडगे हिने माहेरचे नाव प्रतीक्षा पोपट जाधव या आधार कार्डचा वापर केला. तसेच तिच्या मोबाइल नंबरवरून बहीण कोमल संजय पिसाळ, मावशी सुनंदा संजय पिसाळ (रा. चितळी, ता. खटाव), मंगल संजय घाडगे (रा. निमसोड), पूजा बाळासाे जाधव (रा. गुरसाळे) यांची आधार कार्डे घेऊन, गुगलला आधारच्या वेबसाईटवर सर्च करून पंचवीस आधार नंबर सर्च केले. हे आधार नंबर तिने अर्जामध्ये भरले. त्यानंतर प्रतीक्षा जाधव हिने विविध पेहरावांत सेल्फी घेऊन अधिकचा लाभ मिळविण्यासाठी वेबसाइटवर फोटो अपलोड केले. या अपलोड केलेल्या अर्जाला वडूजमधील माणदेशी महिला सहकारी बॅंकेचे खाते लिंक केले. अपलोड केलेल्या तीस अर्जांपैकी प्रतीक्षाच्या नावे २९ ऑगस्ट रोजी तीन हजार रुपये जमा झाले. या घटनेची बालविकास प्रकल्प अधिकारी एस. एस. खाबडे यांनी वडूज पोलिस ठाण्यात तक्रार दिली आहे. पाेलिस निरीक्षक घनशाम सोनवणे यांच्या मार्गदर्शनाखाली सहायक पोलिस निरीक्षक विक्रांत पाटील हे अधिक तपास करीत आहेत.
पोलिसांनी निमसोड, ता. खटाव येथील गणेश संजय घाडगे (वय ३०) व त्याची पत्नी प्रतीक्षा (२२) या दाम्पत्याला रात्री ताब्यात घेतले.
‘त्यांनी’ नातेवाइकांनाही गोवले...
लाडकी बहीण योजनेचा लाभ घेण्यासाठी त्यांनी नातेवाइकांच्या आधार कार्डचा वापर केला. त्यामुळे नातेवाइकांनाही त्यांनी यात नाहक गोवले. अशा प्रकारे आणखी कुठे त्यांनी फसवणूक केली आहे का, याचा तपास पोलिस करीत आहेत.
स्थानिक बातम्या
आकृतीबंधाचा शासन निर्णय दोन वर्षांपूर्वीच निर्गमित होऊनही अंमलबजावणी नाही
- Wed 4th Sep 2024 10:50 am
गणेशभक्तांचा भावना लक्षात घेऊन रात्री बारानंतर देखील वाद्य वाजवण्यास परवानगी द्यावी
- Wed 4th Sep 2024 10:50 am
स्थानिक गुन्हे शाखेने 2 देशी बनावटी पिस्टल, 3 जिवंत काडतुसासह 2 लाख 25 हजाराचा मुद्देमाल केला जप्त
- Wed 4th Sep 2024 10:50 am
सातारा तालुका कबड्डी स्पर्धेचे उद्घाटन पाच वर्षाच्या निविताच्या हस्ते संपन्न...
- Wed 4th Sep 2024 10:50 am
संबंधित बातम्या
-
सिद्धेश्वर कुरोली येथील दोघांना निर्भया पथकाचा दणका, आरोपींना ३ दिवसांची पोलीस कोठडी.
- Wed 4th Sep 2024 10:50 am
-
प्रेम संबंधातून तृतीयपंथी राशी उर्फ राहुल घुटुकडे याचा खून....
- Wed 4th Sep 2024 10:50 am
-
दहिवडी पोलीस ठाण्याच्या हद्दीतील रेकॉर्डवरील १४ गुन्हेगारांना केले तडीपार.....
- Wed 4th Sep 2024 10:50 am
-
सासरच्या छळास कंटाळून प्राध्यापिकेने राहत्या घरात घेतला गळफास
- Wed 4th Sep 2024 10:50 am
-
जावळीतून गणेशोत्सव कालावधीमध्ये सहा जण हद्दपार.
- Wed 4th Sep 2024 10:50 am
-
स्थानिक गुन्हे शाखेने 2 देशी बनावटी पिस्टल, 3 जिवंत काडतुसासह 2 लाख 25 हजाराचा मुद्देमाल केला जप्त
- Wed 4th Sep 2024 10:50 am
-
ऑनलाईन फसवणुकीचा गुन्हा पांचगणी पोलिसांकडून निकाली
- Wed 4th Sep 2024 10:50 am