सातारा : सन २०२२ मध्ये महाराष्ट्र राज्य परीक्षा परिषदेमार्फत घेण्यात येणाऱ्या शिष्यवृत्ती परीक्षेत (इ. ५वी) जि.प. प्राथ. शाळा निनाम ता.जि.सातारामधील कु. जागृती प्रमोद जाधव हिने गरुडभरारी घेत २९८ पैकी २९६ गन मिळवून ग्रामीण भागात प्रथम येण्याचा मान मिळविला आहे. 
   तिच्यासह या शाळेचे एकूण सात विद्यार्थी शिष्यवृत्तीधारक झाले आहेत. पात्र झालेल्या विद्यार्थ्यांमध्ये जागृती प्रमोद जाधव (२९६ गुण), हर्षवर्धन प्रशांत महाडिक (२७८ गुण), अनुष्का संतोष जाधव (२६४ गुण), अपूर्वा मनोहर जाधव (२६२ गुण), नमिता श्रीमंत जाधव (२६० गुण), देवदत्त साईनाथ कदम (२५४ गुण), नतिक केशव नलावडे (२४८ गुण) अशी या विद्यार्थ्यांची नावे आहेत. 
या विद्यार्थ्यांना वर्गशिक्षिका स्मिता ननावरे, चव्हाण सर, कदम सर, भरमगुंडे मॅडम, घोरपडे मॅडम, ढाणे मॅडम व शेलार मॅडमचे मार्गदर्शन लाभले. 
या सर्व यशस्वी विद्यार्थ्यांचे शाळा व्यवस्थापन समिती व ग्रामस्थांनी ढोलताशांच्या गजरात भावातून मिरवणूक काढत कौतुक केले. तसेच यशस्वी विद्यार्थ्यांचे व मार्गदर्शक शिक्षकांचे राज्याचे शिक्षण मंत्री दीपक केसरकर, मुख्य कार्यकारी अधिकारी ज्ञानेश्वर खिलारी, प्राथमिक शिक्षणाधिकारी शबनम मुजावर, पंचायत समिती गतविविकास अधिकारी अनिल वाघमारे, गटशिक्षणाधिकारी संजय धुमाळ, शिक्षण विस्तार अधिकारी जाधव मॅडम, गुरव मॅडम व शिंगाडे मॅडम तसेच केंद्रप्रमुख सातपुते सर, शाळेचे मुख्याध्यापक रवींद्र साळुंखे, शाळा व्यवस्थापन समिती अध्यक्ष व सर्व सदस्य, सरपंच, उपसरपंच, ग्रामपंचायत निनाम व ग्रामस्थांनी अभिनंदन केले.