पांचगणी : दांडेघर तालुका महाबळेश्वर येथे एका युवकाने रस्त्याला लागूनच असणाऱ्या होर्डींगला गळफास घेवून आत्महत्या केल्याची घटना घडली आहे.

याबाबत पांचगणी पोलीस ठाण्यातून मिळालेली अधिक माहिती अशी की दांडेघर येथील वाई – महाबळेश्वर मुख्य मार्गावर रस्त्याच्या कडेला एसटी बस स्टॉपचे पुढे असणाऱ्या मोठ्या होर्डींगला (बॅनर) चे लोखंडी फ्रेमला कु.आर्यन विजय चव्हाण (वय.17 वर्ष) रा. दांडेघर तालुका महाबळेश्वर जिल्हा सातारा हा गळफास घेऊन मयत झाले स्थितीत सकाळी नऊ वाजता आढळला. मृत्यूचे कारण अद्याप समजू शकले नसून पांचगणी पोलीस ठाण्यात या घटनेची अकस्मात मयत म्हणून नोंद झाली आहे.

याबाबत विराज विवेक चव्हाण (वय.30 वर्षे) व्यवसाय – घोडे व्यवसाय रा. दांडेघर तालुका महाबळेश्वर यांनी पांचगणी पोलीस ठाण्यात फिर्याद दाखल केली आहे.
या घटनेचा अधिक तपास पांचगणी पोलीस ठाण्याचे सहाय्यक पोलीस निरीक्षक राजेश माने यांचे मार्गदर्शनाखाली हवालदार कैलास रसाळ हे करीत आहेत.