खंडाळा येथील भूमी अभिलेख उपअधीक्षक ऊर्मिला गलांडे ७५ हजार रुपयांची लाच घेताना जाळयात.
Satara News Team
- Wed 23rd Oct 2024 10:37 am
- बातमी शेयर करा
खंडाळा : खंडाळा येथील भूमी अभिलेख उपअधीक्षक ऊर्मिला अशोक गलांडे (वय ४७, रा. समर्थ प्लाझा, पुणे) व युवा रोजगार कौशल्य योजनेतील कंत्राटी प्रशिक्षणार्थी स्विटी ऊर्फ साक्षी शिवाजी उमाप (वय २८, रा. श्रीरामपूर, जि. अहिल्यानगर) यांच्यावर मंगळवारी साताऱ्यातील लाचलुचपत प्रतिबंधक विभागाने सापळा लावून धडक कारवाई करत ७५ हजार रुपयांची लाच घेताना पकडले. त्यांच्यावर खंडाळा पोलिसात गुन्हा दाखल करण्याची कारवाई रात्री उशिरापर्यंत सुरू होती. या घटनेमुळे एकच खळबळ उडाली आहे.
याबाबत या विभागाच्या पोलिस अधीक्षक राजेश वाघमारे यांनी दिलेली माहिती अशी, की लोणंद (ता. खंडाळा) येथील सिटी सर्व्हे नंबर १७७/४२८ चे क्षेत्रफळ १८१.४० चौरस मीटर या मिळकतीवर चुकून लागलेला सत्ता प्रकार ‘ब’ कमी करून मिळण्याबाबत वाई येथील प्रांताधिकाऱ्यांना लेखी अर्ज सादर केला होता.
त्यानंतर तो पुढील कार्यवाहीसाठी तहसीलदार कार्यालय खंडाळा येथे पाठविला.  तहसील कार्यालय खंडाळा यांनी चौकशीसाठी उपअधीक्षक भूमी अभिलेख कार्यालय, खंडाळा येथे चौकशी व अभिप्रायाकरिता पाठविला होता. दरम्यान, उपअधीक्षक (भूमी अभिलेख) श्रीमती ऊर्मिला गलांडे यांनी तक्रारदार यांच्या मिळकतीवरील सत्ता प्रकार ‘ब’ कमी करून सत्ता प्रकार ‘अ’ करण्यासाठी चौकशी अहवाल देण्यासाठी तक्रारदाराकडून एक लाख रुपयांच्या लाचेची मागणी केली. शेवटी ७५ हजार रुपये लाचेची रक्कम ही कार्यालयातील कंत्राटी प्रशिक्षणार्थी स्विटी ऊर्फ साक्षी शिवाजी उमाप यांच्याकडे देण्यास सांगितले.
कंत्राटी प्रशिक्षणार्थी स्विटी ऊर्फ साक्षी उमाप यांनी उपअधीक्षक गलांडे यांच्या सांगण्यावरून तक्रारदारांकडून लाच रक्कम स्वीकारल्याने त्यांना पकडण्यात आले आहे. त्यांच्यावर खंडाळा पोलिस ठाण्यात गुन्हा दाखल करण्याची प्रक्रिया सुरू होती. सापळा पथकाचे प्रमुख पोलिस उपअधीक्षक राजेश वाघमारे, पोलिस हवालदार नितीन गोगावले, पोलिस विक्रमसिंह कणसे, स्नेहल गुरव व अजित देवकर यांनी ही कारवाई केली.
स्थानिक बातम्या
मसूर पोलिस ठाण्यातील ई-चलान मशीन गैरवापराने शासकीय वाहने आणि शस्त्रांच्या सुरक्षिततेचा प्रश्न ऐरणीवर!
- Wed 23rd Oct 2024 10:37 am
पुसेसावळी येथे अन्न व औषध प्रशासनाच्या अभिनव उपक्रमातून रईस चा जन्म
- Wed 23rd Oct 2024 10:37 am
कोयना जलाशय परिसरातील ५०० दुष्काळग्रस्त शेतकऱ्यांना मदतीचा हात
- Wed 23rd Oct 2024 10:37 am
दुर्योधनाच्या अहंकारामुळे महाभारत... जयकुमार गोरेंचा तोच अहंकार भाजपला नडणार ?
- Wed 23rd Oct 2024 10:37 am
चोराडे येथे विहिरीत पडलेल्या कोल्ह्याला वनविभागाने दिले जिवदान.
- Wed 23rd Oct 2024 10:37 am
वर्दीतील दर्दी! कष्टकरी महिलांची दिवाळी गोड करणारे पोलीस उपनिरीक्षक सतीश मयेकर.
- Wed 23rd Oct 2024 10:37 am
संबंधित बातम्या
-
ढेबेवाडीत मगर बंधू ज्वेलर्समध्ये चोरी; नऊ तोळे सोने लंपास!
- Wed 23rd Oct 2024 10:37 am
-
महामार्गावर कवठे गावानजीक एक किलो सोने दरोडेखोरांनी लुटले
- Wed 23rd Oct 2024 10:37 am
-
खरेदी दस्ताची नोंद मंजूर करण्यासाठी तीन हजारांची लाच; मंडलाधिकारी रंगेहाथ जाळ्यात
- Wed 23rd Oct 2024 10:37 am
-
औंध पोलिस ठाण्याचे हद्दीत ‘सगळेच वैध’ कसे?
- Wed 23rd Oct 2024 10:37 am
-
पुसेसावळी येथील वरिष्ठ तंत्रज्ञ तानाजी धुमाळ यांचा ‘मीटर चोरी’चा धुमाकूळ?
- Wed 23rd Oct 2024 10:37 am
-
नोकरीवरून काढल्याच्या रागातून आंदोलनाचा प्रयत्न; CPR देत जवानांनी वाचवले प्राण, रुग्णालयात उपचार सुरू
- Wed 23rd Oct 2024 10:37 am
-
वाढे गावातील हॉटेलच्या बनावट ना हरकत दाखला प्रकरणाने खळबळ
- Wed 23rd Oct 2024 10:37 am
-
मुंबईत गुन्हा, जावळीत लपाछपी; बॉलिवूड दिग्दर्शक नुरानीचा ‘फार्महाऊस प्लॅन’ मेढा पोलिसांनी उधळला!
- Wed 23rd Oct 2024 10:37 am













